Unparalleld Leveling (Realm - 8) [Myanmar Translation]

Chapter - 7

Unicode

၅၁၅။ ဟေ့ ကောင်ချောလေး၊ စိတ်ဝင်စားလား?
__________________

ဒီကိုယ်ရဲ့စွမ်းရည်တွေက တကယ်ကိုချာတူးလန်နေတာပဲလို့ နဉ်ရှုခံစားလိုက်ရသည်။ သူမ အချိန်အကြာကြီးလေ့ကျင့်ခဲ့ပြီး ဝေ့မင် သူမဆီယူလာပေးတဲ့သလင်းကျောက်တွေအားလုံးကို အသုံးပြုပြီးသွားပေမယ့် အခုထိ ဝိဉာဉ်သခင်အဆင့်ကို မချိုးဖောက်နိုင်သေးဘူး။

ဝိဉာဉ်တပည့်၊ ဝိဉာဉ်သခင်၊ တိဉာဉ်ပညာရှိ...။ ဒီ့အထက်မှာ အဆင့်တွေအများကြီးရှိပေမယ့် မူလခန္ဓာရှင်က အခုမှစလေ့ကျင့်တဲ့ ဝိဉာဉ်တပည့်လေးရယ်။ သူက တကယ်မယုံနိုင်လောက်အောင်အဆင့်နိမ့်တာပေမယ့် သူ့ထက် အများကြီးအဆင့်မြင့်တဲ့ ရှစ်ဟွေ့တိနဲ့ တကယ်ကြီးတိုက်ရဲတယ်။

ဒါက သေတွင်းတူးတာမှာ တကယ်ကိုရယ်ရတဲ့နည်းလမ်းပဲ။ သူက သူ့နတ်ဘုရားမနဲ့ နီးကပ်ချင်ရုံပဲဖြစ်နိုင်လား?

အခန်းထဲမှာနေရတာကို အတော်လေးငြီးငွေ့လာတဲ့နောက်မှာတော့ သူမက လမ်းလျှောက်ထွက်ဖို့ဆုံးဖြတ်လိုက်သည်။ သူမ အပြင်ထွက်လိုက်သည်နှင့် မဆုံးနိုင်တဲ့လူတန်းကြီးက နှုတ်ဆက်ဖို့ရောက်လာကြကာ သူမရဲ့ဒဏ်ရာသက်သာလာပြီလားဆိုတာကိုမေးကြသည်။ နဉ်ရှု သူတို့ကိုကြည့်လိုက်မိကာ သူတို့မျက်လုံးတွေထဲက အထင်သေးမှု၊ လှောင်ပြောင်လိုမှုတွေအပြင် အားကျမှု၊ မနာလိုမှုတွေနဲ့ မုန်းတီးမှုတွေကိုပါတွေ့လိုက်ရ၏။ သို့သော်ငြား သူတို့ပြောတဲ့စကားတွေကတော့ အင်မတန်ပင်စစ်မှန်ရိုးသားလှသည်။

ဝေ့လျန်ယွဲ့က အသုံးအဖြုန်းအင်မတန်ရက်ရောတာ သူတို့သိကြသည်။ သူတို့သာ သူအကောင်းမြင်အောင်လုပ်နိုင်ပါက သူတို့ရဲ့ကျင့်ကြံမှုကိုအကူအညီပေးနိုင်တဲ့ပစ္စည်းတွေ ရနိုင်မည်ဖြစ်၏။

မူလခန္ဓာရှင်က အတော်လေးသနားစရာကောင်းတာပဲလို့ နဉ်ရှုခံစားလိုက်ရသည်။ ထူးခြားသာလွန်တဲ့ခွန်အားကသာ လူတွေရဲ့လေးစားမှုကိုရနိုင်ပေသည်။ ကောင်းကင်ဥပဒေဂိုဏ်းမှာ မူလခန္ဓာရှင်က ကြွယ်ဝမှုတွေဝေငှပေးနေတဲ့လူလိုပဲဆိုပေမယ့် ဒါက သူ့ကို စစ်မှန်တဲ့သူငယ်ချင်းလေးတစ်ယောက်တောင်မရစေခဲ့ဘဲ တကယ်တမ်းကျ သူအများကြီးပေးကမ်းစွန့်ကြဲထားတဲ့လူတွေက သူ့ကိုအသုံးအဖြုန်းကြီးတဲ့ငတုံးတစ်ယောက်အဖြစ်သာ သတ်မှတ်ထားကြသည်။