YOU ARE READING

Unparalleld Leveling (Realm - 8) [Myanmar Translation]

Historical Fiction

Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Unparalleld Leveling (Realm - 8) E-tran...

#counterattack #cultivation #historical #power #system #transmigration

Chapter - 43

3.7K 512 13 
                                        

                                                  
Unicode

                              
၅၅၁။ မင်းဝိဥာဥ်ကို လိမ်လိမ်မာမာပေးအပ်လိုက်စမ်း
___________________

                              
လက်လျှော့ဖို့ငြင်းဆန်ကာ သူတို့အသိစိတ်ကို ဗဟိုချက်ထဲထည့်ဖို့ကြိုးစားနေကြသူတချို့လည်းရှိသေးသော်ငြား သူတို့မှာ တူညီသည့်ဆိုးဆိုးရွားရွားအဆုံးသတ်ဖြင့်သာ ရင်ဆိုင်လိုက်ကြရသည်။

                              
ကြက်သီးတဖြန်းဖြန်းထလာစေသည့် မချိမဆန့်အော်ဟစ်သံတို့က အခန်းထဲပဲ့တင်ထပ်နေသည်။ ဒီဟာက ရက်စက်လွန်းမနေဘူးလား?

                              
လူအုပ်ထဲမှာ ကောင်းကင်ဥပဒေဂိုဏ်းသားတစ်ယောက်ကိုမှ နဉ်ရှုမတွေ့မိပေ။ သူတို့အားလုံး သေသွားတာဖြစ်နိုင်လား? အဲ့လိုသာဆို ကောင်းကင်ဥပဒေဂိုဏ်းတော့ စိတ်ဒုက္ခရောက်ရတော့မှာပဲ။ တကယ်တမ်းတော့ အဲ့လူတွေက ဂိုဏ်းရဲ့အထူးချွန်ဆုံးဂိုဏ်းသားတွေလေ။

                              
သူတို့ အဆင်ပြေဖို့မျှော်လင့်တယ်။ အဆုံးတော့လည်း ဝေ့မင်က ကောင်းကင်ဥပဒေဂိုဏ်းရဲ့အကြီးအကဲလေ။

                              
သူမက ကျားပေါက်မလေးရန်ကျောင်းနားလျှောက်သွားကာ မေးလိုက်သည်။

                              
"မင်းကြိုက်တဲ့လူက တခြားမိန်းမတစ်ယောက်နဲ့ကြည်နူးနေတာကိုမြင်ရတာ ဘယ်လိုခံစားရလဲ?"

                              
ရန်ကျောင်းမှာ နဉ်ရှုကြောင့်လန့်သွားရ၏။ နှာဘူးကောင်ကြီးဝေ့လျန်ယွဲ့ဆိုတာတွေ့တဲ့အခါ သူမက ပြန်ပက်သည်။

                              
"နင့်အပူမပါဘူး!"

                              
"ကျွတ် ကျွတ်။ ငါ မင်းကို တကယ်သနားမိ။ ငါသာ မင်းဆိုရင်လေ အခုချက်ချင်းလျှောက်သွားပြီး သူ့ခေါင်းနှစ်ဖက်လုံးကို နားရင်းအုပ်၊ သူ့အောက်ပိုင်းကိုကန်ချလိုက်မှာပဲ။"

                              
နဉ်ရှုကပြောသည်။

                              
ရှစ်ဟွေ့တိက နဉ်ရှုကို အေးစက်စွာကြည့်လိုက်ပြီးနောက် တစ်ဖက်လှည့်ကာ သူမကို လျစ်လျူရှုထားသည်။

                              
ရန်ကျောင်းက အထင်တသေးဆို၏။

                              
"နင်ကကျ အရမ်းတွေကြီးကျယ်တဲ့ပုံနဲ့လာပြောနေတယ်။ နင်လည်း မိန်းမတွေအများကြီးကို ဖျက်ဆီးခဲ့တာပဲမဟုတ်ဘူးလား? နင့်မှာ သူများအကြောင်းပြောဖို့ ဘာအခွင့်ရှိလို့လဲ? ဂိုဏ်းတူအစ်ကိုရှဲ့က တကယ်ကောင်းတဲ့သူ။ မိန်းမတွေသူ့ကိုကြိုက်တာ ပုံမှန်ပဲဟဲ့။ ဂိုဏ်းတူအစ်ကိုရှဲ့က မိန်းမတွေကိုလည်း အရမ်းလေးစားပေးတယ်။ သူ့လိုကြင်နာတတ်တဲ့သူက နင့်လိုနှာဘူးကောင်နဲ့ အဆင့်ကိုမတူတာ။"
Unparalleld Leveling (Realm - 8) [Myanmar Translation]Stories to obsess over. Discover now