"ရှေ့နားလေးဆိုရောက်ပြီကော"
"အင်း"
မြက်ရိုင်းတောကြီးအလယ်မှာဖောက်ထားတဲ့
လူသွားလမ်းလေးကကျဉ်းမြောင်းမြောင်း။
တစ်ချက်တစ်ချက်
အတော်လေးရှည်နေပြီဖြစ်တဲ့မြက်ရိုးတွေက
ဖြတ်သွားတဲ့လူတွေကိုလက်လှမ်းနှုတ်ဆက်
နေသယောင်။
မြက်ကိုင်းလေးတွေပေါ်မှာ နှုတ်သီးရှည်
ငှက်သေးသေးလေးတို့ ပုခတ်စီးနေသလို
ယိမ်းနွဲ့နေကြတဲ့မြင်ကွင်းကအလွန်တရာ
ကြည့်ကောင်းတယ်။
နေ့လည်ခင်းဖြစ်သည့်တိုင် နေသိပ်မပြင်း။
လေအေးလေးတွေဖြတ်တိုက်နေတဲ့အပြင်
နုနုလေးသာရနေတဲ့နေရောင်ကြောင့်
အတော်အသင့်လျှောက်လာရတဲ့ခရီးလမ်းက
မောပန်းခြင်းကင်းလို့။
ဟိုးဘက်ခပ်လှမ်းလှမ်းမှာတော့အဝါရောင်
ဂျုံခင်းကြီးတွေကိုမြင်နေရတယ်။
စာအုပ်ထဲမှာပဲမြင်ဖူးတဲ့ထိုဂျုံခင်းတွေဆီ
အချိန်ရတာနဲ့သွားကြည့်ဖို့ကိုလဲ
စိတ်ထဲတွေးမိလိုက်ပါရဲ့။
"ရလားကော..မောနေပြီလား"
"ဟင့်အင်း..လုံးဝမမောဘူး"
အပြုံးချိုချိုတစ်ခုနဲ့အတူခေါင်းတစ်ခါခါ
ဖြေမိတော့ အရှေ့ကဦးဆောင်သွားနေတဲ့
ကလေးမက မဆိုင်းမကွပဲခရီးကိုဆက်တယ်။
ငါးမိနစ်လောက်ထပ်လျှောက်ပြီးတဲ့
နောက်မှာတော့ ခပ်ဟောင်းဟောင်း
ဘုရားကျောင်းကြီးကမျက်စိရှေ့မှာဆီးကြိုလို့။
ဒါပါပဲ..သူ့ရဲ့ဦးတည်ရာပန်းတိုင်က
ဒီနယ်မှာရှားပါးလှတဲ့ခရစ်ဘုရားကျောင်းပင်။
ကတ်သလစ်တိုင်ကြီးတစ်ခုကို
အလယ်မှာထောင်ထားတဲ့ဒီဘုရားကျောင်းက
နှစ်တွေအတော်ကြာမြင့်ခဲ့ပြီဖြစ်ကြောင်းကိုတော့
အရောင်ပြယ်လုလုအဖြူရောင်သုတ်ဆေးတွေက
သက်သေပြနေသယောင်ရှိတယ်။
အဝင်လမ်းတစ်လျှောက် အမှိုက်သရိုက်
ကင်းစင်လို့ မျက်စိအမြင်အေးစေတဲ့
မြက်ခင်းစိမ်းစိမ်းတွေက
နေရာအနှံ့အပြားမှာခင်းကျင်းထားသည့်နှယ်။
ဟောခန်းကြီးထဲလျှောက်ဝင်သွားလိုက်ပြီး
သစ်သားမျက်နှာကျက်တွေကို
စိတ်ဝင်တစ်စားမော့ကြည့်လို့ မျက်စိမလွှဲနိုင်။
အနုပညာဆန်စွာစီရီထားတဲ့အနက်ရောင်
သစ်ပြားလေးတွေကိုမျက်နှာကျက်အဖြစ်
သုံးထားကြောင်း ဘေးကလျှောက်နေတဲ့
ကလေးမက ရှင်းပြလာတာမို့
ကျေးဇူးတင်စွာခေါင်းကိုညိမ့်ပြလိုက်တယ် ။
