"မငိုနဲ့လေကွာ"
"ဝမ်..အင့်"
"အင်း.."
"အများကြီးပဲ..ဝမ်အရမ်းနာမှာ "
"မင်းငိုနေရင်ကိုယ်ပိုနာတယ်လေ"
"ဟင့်"
ရှိုက်သံထပ်ထွက်မလာအောင်
နှုတ်ခမ်းကိုက်ပြီးထိန်းလိုက်ပေမဲ့
ပါးနှစ်ဖက်မှာစီးကျနေတဲ့မျက်ရည်တွေက
မရပ်တန့်နိုင်။
ကြည့်ပါဦး။
ဝမ့်ကျောပြင်တစ်ခုလုံး
အရည်ကြည်ဖုတွေပြည့်နေတာပဲ။
တစ်ချို့နေရာတွေဆိုနီရဲနေပြီး
အရည်ကြည်ဖုတွေလဲပေါက်နေတယ်။
လေပေါ်မှာရပ်တန့်နေတဲ့သူ့လက်ချောင်းတွေ
မထိရက်စွာပဲ ကတုန်ကယင်။
သူ့ကြောင့်နဲ့..သူ့ကြောင့်မို့လို့ ။
"နှုတ်ခမ်းမကိုက်နဲ့ နာလိမ့်မယ်"
အသံတိတ်သွားလို့လားမသိ..
နောက်လှည့်ကြည့်လာတဲ့ဝမ်က
သူ့နှုတ်ခမ်းကိုအသာအယာပွတ်ဆွဲရင်း
ပြောတယ်။
နောက်တော့သူ့ပါးပေါ်ကမျက်ရည်တွေကို
ဖိသုတ်ပေးလေရဲ့။
နူးညံ့တတ်နေလိုက်တာ။
ဝမ်းနည်းခြင်းတွေကြားမှာ
သူ့နှလုံးသားလေးနွေးမြလာမိတဲ့အထိ။
ချော့မြူခြင်းတွေကိန်းအောင်နေတဲ့
မျက်ဝန်းတစ်စုံကသူ့ကိုထွေးဖက်ထားသလို။
အဲဒီအခိုက်အတန့်လေးမှာပေါ့..
ဒီလူဆိုးကိုချစ်ဖို့ရွေးချယ်မိတာ
နောင်တရစရာမရှိကြောင်းသေချာစေခဲ့တယ်။
"ပူနေလားဟင်"
"....."
"ပူနေမှာပေါ့နော်"
ဝမ့်ဆီကအဖြေမရတော့
သူ့ဟာသူပဲကောက်ချက်ချလိုက်ရတယ်။
လက်ထိပ်လေးဖယောင်းတိုင်မီးဟပ်ရင်တောင်
တစ်ငွေ့ငွေ့နဲ့အပူဒဏ်ကိုခံရသေးတာ။
ဒီလိုမျိုး ကျောပြင်တစ်ခုလုံး
မီးစက်အချခံထားရသလိုအခြေအနေမျိုးဆို
ပူရုံတင်မကပဲ သေလောက်အောင်စပ်လိမ့်မယ်။
"ဘာတွေတွေးနေပြန်ပြီလဲ"
မျက်ရည်ဥတွေထပ်သီလာတဲ့သူ့မျက်လုံးအိမ်ကို
ဝမ်ကစူးစိုက်ကာငေးကြည့်နေခဲ့တယ်။
သူဒီလိုဖြစ်နေတာစိတ်မချမ်းသာတာလဲ
အသိအသာပဲ။
ဝမ့်မျက်ခုံးတွေတွန့်ချိုးနေပါတယ်။
