Muse [Own Creation]

(၁၄)

Unicode

အပိုင်း - ၁၄ ။ ဇာတ်လမ်းတွဲတွင် မသမာသောနည်းနှင့် ရွေးချယ်ခံရ

နံနက်စာပြင်ဆင်နေသည့် လီယိုကို စဝ်မုဒြာ ကြည့်နေ၏။ လီယို၏ ကြည့်ကောင်းမှုကို မြင်လေ သူ့ရွေးချယ်မှုက မမှားလေဟု သူထင်နေတော့သည်။ ထိုသို့မမှားကြောင်းတွေးသည့် အချိန်တွင် ညကသူတို့ စတွေ့သည့်အကြောင်း အိပ်မက်မက်ထားသည်မို့ အတိတ်အကြောင်းကို ဘာရယ်မဟုတ် သူ ဆက်တွေးဖြစ်လိုက်၏။ သူ့ကိုယ်သူ အရံဇာတ်ဆောင်နေရာတွင်ပဲ ပါလိမ့် မည်ဟု ထင်ထားခဲ့တာ။ အကြောင်းကြားလာချိန်တွင် သူက အရံဇာတ်ဆောင်မဟုတ်ခဲ့။

ထိုအချိန်က...

စဝ်မုဒြာကြောင်အကာ သူ့ဆီသို့ ပြန်ပို့လာသည့် Mail ကို အပြန်ပြန်အလှန်လှန် ဖတ်နေ ခဲ့၏။

သူလျှောက်တာက အရံဇာတ်ဆောင်နေရာပါ။ ဒါကိုဘယ်လိုလုပ်ပြီးတော့ အဓိက ဇာတ်ဆောင်နေရာမှာဖြစ်သွားရတာလဲ?! ဒါကမသမာမှုကြီးပဲ! ဒီ Mail က အတုကြီးများလား!

"ဟုတ်ကဲ့ ကျွန်တော် xxx series အတွက် audition လျှောက်လွှာတင်ထားတဲ့ စဝ်မုဒြာ ပါ... ကျွန်တော့်ရဲ့ လျှောက်လွှာဖောင်နံပတ်ကxxxxx ပါ အဲ့မှာတစ်ခုခုများ မှားနေ သလားလို့..."

အရံဇာတ်ဆောင်နေရာတွင် လျှောက်လွှာတင်ထားသည့် သူကို အဓိကဇာတ်ဆောင် နေရာတွင် လာရောက်ဖို့အတွက် ပြန်လည်ချိန်းဆိုသည်။

ဒါ Management မကောင်းတာပဲ! သူတို့က အလုပ်ကို ဘယ်လိုလုပ်နေကြတာလဲ။

ကလေးဆန်စွာဖြင့် စဝ်မုဒြာသည် တစ်ဖက်ကုမ္ပဏီကို စိတ်ထဲက Bad Review ပေးလိုက် သေးသည်။

တစ်ဖက်က သူ့ခဏစောင့်ခိုင်းပြီး ပြန်စစ်ဆေးပြီးချိန်တွင် မှန်ကန်ကြောင်း တုံ့ပြန်လာ သည်။

"မမှားပါဘူးရှင့်... ဒါကအမှန်ပါ... စဝ်မုဒြာ အချိန်လေးကို ကြည့်ပြီး လာခဲ့ပါနော်"

"ဟုတ်ကဲ့..."

စဝ်မုဒြာ အတော်စဉ်းစားသွားခဲ့သည်။ အဓိကဇာတ်ဆောင်ဆိုသည့် နေရာက ကြုံရာလူ ကောက်ထည့်လို့ မကောင်းဘူးမဟုတ်လား။ သရုပ်ဆောင်တတ်ဖို့လိုတယ်မဟုတ်လား။ ဒါကို သူတို့က သူလိုဘာတစ်ခုမျှ နားမလည်သည့် ကောင်ကလေးကို ရွေးချယ်ဖို့ စဉ်းစားနေသည်။ အရံဇာတ်ဆောင်ဆိုလျှင်တော့ သူရဖို့အတွက် အဆင်ပြေသေးသည်။ သို့သော် အဓိက ဇာတ်ဆောင်ဆိုလျှင်တော့... စဝ်မုဒြာသက်ပြင်းသာရှိုက်၏။ ဒါပေမဲ့လည်း... Mail ကိုသူပြန် ကြည့်သည်။ ထားပါတော့ သူသွားကြည့်တာကအရှုံးမရှိပါဘူး။