Muse [Own Creation]

(၁၂)

Unicode

အပိုင်း - ၁၂ ။ အနုပညာလောကထဲ ဝင်ရောက်လာသည့် အကြောင်းရင်း

ကောင်ကလေးသည် သူ့ဖခင်ကိုဒေါသတကြီးကြည့်နေခဲ့သည်။ သူ့မျက်နှာဖြူဖြူသည် ဒေါသကြောင့်နီရဲနေခဲ့၏။

"မေမေသေတာဘယ်လောက်များကြာသေးလို့ အခုလိုမျိုးလုပ်နိုင်ရတာလဲ..."

သားအဖနှစ်ယောက်၏ ရန်ပွဲကြောင့် အိမ်ရှိလူအားလုံးခမျာ တုတ်တုတ်ပင်မလှုပ်ရဲ။ စဝ်ခွန်းနောင်သည် အောင်မြင်သည့် စီးပွားရေးသမားတစ်ယောက် ဖြစ်သည့်အပြင် သားဖြစ်သူ ကိုဖူးဖူးမှုတ်ထားသည့် လူတစ်ဦးလည်းဖြစ်သည်။ စဝ်မုဒြာသည်လည်း သူ့ဖခင်ကို အလွန်ချစ်၏။ သားအဖနှစ်ဦးကြားမှ ကောင်းမွန်သည့် ဆက်ဆံရေးလေးသည် စဝ်မုဒြာ၏ မိခင်သေဆုံးခြင်းမှ စတင်ခဲ့သည်။ အကြောင်းရင်းသည်ကား စဝ်မုဒြာ၏ဖခင်သည် တစ်လပင် မပြည့်သေးဘဲ သူ့ငယ်ချစ်ဦးကိုလက်ထပ်ရန် ပြင်ဆင်ခဲ့ပါ၍။

"အဲဒီအမျိုးသမီးနဲ့ ဖေဖေကဘယ်လိုများတွေ့ပြီး တစ်လအတွင်း လက်ထပ်ဖို့တောင် စဉ်းစားခဲ့ကြတာလဲ..."

စဝ်မုဒြာ၏ မျက်လုံးများသည် နီရဲနေခဲ့သည်။ မိခင်ဆုံးရှုံးသည်မှ မကြာသေးဖခင်ကိုပါ သူကဆုံးရှုံးရဦးမည်။ ဖခင်နှင့်လက်ထပ်မည့် နောက်မိန်းမသည်လည်း ဖခင်လိုပင် လက်တွဲဖော် ဆုံးရှုံးထားသည့်သူ။ ထို့အပြင် ထိုအမျိုးသမီးတွင် သူ့ထက် လေးနှစ်လောက်ကြီးသည့် သား တစ်ယောက်လည်းပါသေးသည်။

ဒီလူတွေနဲ့ဆိုရင် သူကသူ့အဖေကိုပါ ဆုံးရှုံးရဦးမှာပေါ့။

"အရင်ကတည်းက... ဖောက်ပြန်နေခဲ့တာလား..."

စိတ်ကုန်စိတ်ဓာတ်ကျစွာနှင့် နာကျင်မှုအပြည့်ဖြင့် မေးပြီးနောက် ဖြေရှင်းချက်ကို မစောင့်ဘဲ စဝ်မုဒြာသည် သူ့အခန်းထဲသို့ ဝင်လာလိုက်တော့သည်။

သူ့ဖခင်သည် သူ့စွပ်စွဲ စကားများကို တစ်ချက်လေးမျှပင် ရှင်းချက်မထုတ်ခဲ့။ ထိုအမျိုး သမီးကို ဇွတ်တရွတ်သာ လက်ထပ်လာခဲ့သည်။ ထို့အတွက် စဝ်မုဒြာသည် မိထွေးကို လိုသည် ထက် ပိုကာမုန်းတီးသွားတော့သည်။