Muse [Own Creation]

(၁)

Unicode

အပိုင်း - ၁ ။ BL actor တိုင်းက ဓာတ်တိုင်လိုပဲ ဖြောင့်မတ်ကြတယ်

Fallen Entertainment ရှိ ဝန်ထမ်းတိုင်းသည် ယောက်ယက်ခတ်နေကြရ၏။ ထိုသို့ ယောက်ယက်ခတ်နေရသည့် အကြောင်းမှာ Fallen မှ ရိုက်ကူးထားသော BL ဇာတ်လမ်းတွဲ အရှိန်ကောင်းနေစဉ်တွင် မင်းသားနှစ်လက်အနက် တစ်ယောက်၏ scandal ထွက်လာခြင်း ကြောင့်ပါပေ။

ဘာလို့ BL actor တွေက တခြားလူတွေထက် ပိုပြီး ဖြောင့်နေရတာလဲ။ ကောင်မလေး တွေကလည်း ဒီလိုကောင်လေးတွေကိုမှ သွားသွားကပ်ရတာလဲ။

PR ဌာနတွင် အချိန်ပိုဆင်းနေရသည့် ဝန်ထမ်းအတော်များများသည် စိတ်မသက်မသာ ဖြင့်တွေးနေကြသည်။ ပိုဆိုးသည်က ရိုက်ကူးထုတ်လွှင့်နေသည့် ဇာတ်လမ်းတွဲတွင် ပါဝင်သော မင်းသားနှစ်လက်အနက် scandal ထွက်လာသော မင်းသားသည် bottom နေရာတွင် သရုပ် ဆောင်သည့် တက်သစ်စ မင်းသားဖြစ်နေခြင်းကြောင့် သူတို့သည် ပို၍ စိတ်အာရုံ နောက်ကျိနေ တော့၏။

BL နဲ့ ပွဲဦးထွက်ပြီး မင်းက မိန်းကလေးနဲ့ scandal ထွက်နေတယ်။

မင်း... မင်း မလွန်လွန်းဘူးလားကွာ!

သို့သော် လိုင်းပေါ်တွင် ပျံ့နှံ့နေသည့် ဓာတ်ပုံကို သူတို့အားလုံး သေချာပြန်ကြည့်၏။ ရှန်ပိန်ခွက်လေးကိုင်မြှောက်ကာ မိန်းကလေးတစ်ဦးကို ရင်ခွင်ထဲထည့်ပြီး သူ့ကို ဓာတ်ပုံ ခိုးရိုက်နေသည့် သတင်းထောက်ကို ပြုံး၍ကြည့်နေသည့် ကောင်ကလေးသည် ခေတ်စားနေ သော korea webtoon များထဲမှ ခုန်ထွက်လာသည့် ကောင်ချောလေးအလား တင့်တယ်နေခဲ့ သည်။

ဒီ... ဒီပုံလေးကို ငါတို့ သိမ်းထားလို့ရမလား။ ဘာမှမလုပ်ပါဘူး ဒီတိုင်း မျက်စိအစာကျွေး ဖို့သက်သက်ပါပဲ။

လူမှုကွန်ယက်တွင် ပျံ့နှံ့နေသည့် အဆိုပါပုံလေးအကြောင်း သတင်းရေးသူသည် လက်ရှိ BL နှင့်ပတ်သက်လာလျှင် Review ကောင်းကောင်းရေးတတ်သည့် ပရိသတ်အများအပြား ပိုင်ဆိုင်သော ချိုမြိန်တဲ့လိမ္မော်စိတ်ကလေး ဟူသည့် အကောင့်ပိုင်ရှင်ဖြစ်သည်။

ယခုလည်း သူသည် ထိုပုံဖြင့် စာရှည်ကြီးရေးသားထား၏။ စာရှည်ကြီး၏ ခေါင်းစည်းမှာ တော့...။