MISTRESS SERIES: UNRESTRICTED DESIRE

CHAPTER SEVENTEEN

"Rafaela Santiago?" Napalingon ako sa pinanggalingan ng boses na nagbanggit sa pangalan ko.

At parang biglang huminto ang paggalaw ng lahat sa paligid ko nang magtama ang paningin namin.

"G-Gabriel," sambit ko.

Humakbang siya palapit sa akin, napatingin naman ako sa aming paligid. . . mabuti na lamang at wala pang mga tao sa hallway kung nasaan kami.

Biglang kumabog ang dibdib ko, gusto kong talikuran siya at umalis na. Ayoko siyang makita, not now, not soon, not at all. Hindi pa ako handang makaharap siya, at never akong magiging handa.

"What are you doing here?!" mahina pero may diing tanong niya, napayuko ako pero kaagad din akong tumingin sa kaniyang mukha. At nilakasan ang loob na sagutin siya, casually.

"I work here," maikling sagot ko. Napakunot-noo naman siya.

"Of all the places na pwede mong pagtrabahuhan. . . dito pa talaga." At nakita ko ang pagngisi nito na tila alam niyang may iba pang dahilan kung bakit ako pumasok sa kompanya ni Rowena.

"Rowena approaches me first," defend ko pa. Pero mas lumapit lang siya sa akin.

"Then you should have not accept her job offer..." sambit niya pa kaya napataas kilay ako.

"So? I accepted her offer and I am now here. . ." matapang kong sagot sa kaniya.

Naramdaman ko na lamang ang paghawak niya sa braso ko. . . hindi mahigpit pero sapat na para magbigay ng kakaibang kuryente iyon sa akin. Dagdagan pa na nakatitig lang siya sa akin na parang kinikilatis ang buong pagkatao ko. Ayaw ko siyang titigan din ngunit wala akong ibang choice, I miss him. . . 

Napailing na lamang ako dahil sa aking naiisip, hindi maaari. Pwersahan kong iwinaksi ang pagkakahawak niya sa aking braso at humakbang palayo sa kaniya.

Ibubuka na sana nito ang kaniyang bibig upang magsalita sana nang biglang dumating si Rowena. Nakangiti ito.

"Honey!" tawag-pansin niya sa kaniyang asawa na ikinalingon naman ni Gabriel sa gawi ni Rowena. Niyakap niya ito at hinagkan sa kaniyang noo. Sweet.

Napatingin naman sa gawi ko si Rowena at ngumiti,

"Oh Raffi, ikaw pala iyan. Akala ko kung sinong magandang babae na kinakausap ng asawa ko. Anyway, si Gabriel pala, my husband, and Honey, this is Rafaela Santiago, my friend and the new face of my magazine," pakilala niya kay Gabriel sa akin at ako kay Gabriel.

Ngumiti ako ng alanganin kay Gabriel pero nanatili lang itong walang kibo at nakatitig lang ng walang emosyon sa akin.

"H-Hi. . . nice to meet you, Sir." At parang gusto kong masuka sa pagpapanggap ko na it's nice to see and meet him. But the truth is ayaw ko talaga siyang makita o makasalamuha ngunit for Gabino, I will do anything. . . mapalapit lang ako sa anak ko.

"Wala ka na bang ibang makuhang modelo, Hon? I don't like her. . ." biglang sambit nito na nagpagalaiti sa damdamin ko.

'I don't like her. . .' as if gusto ko rin siya. Ang kapal ng apog niya para sambitin iyon na tila wala kaming pinagsamahan, 6 years ago.

Nakita ko namang tinapik ni Rowena ang braso niya.

"Don't be harsh to her, Honey! You don't know her yet. . . Raffi is a good model and a gorgeous natural one. Kaya nga hindi ko na siya binitiwan nang magka-oportunidad na makilala at makausap ko siya sa New York," paliwanag naman ni Rowena sa kaniyang asawa.