Loving Her Other Side(COMPLETED/UNEDITED)

CHAPTER 46

STELLA
Ilang gabi nang hindi maayos ang tulog ko, ilang gabi na rin na hindi ako mapanatag sa kabi-kabilang nangyayari sa buhay namin. Sobra-sobrang gulo na ang kinahaharap naming lahat, hindi ko na nga alam kung paano ito lulusutan. 

"Wala pa rin bang balita kay Athena?" tanong ko kay Sarah na kasalukuyang nagluluto ng mani para sa mga taong nakikiramay. 

"Wala pa nga e, e hindi ba ikaw ang may contact kay Troy? Malay mo naman kasama nya ngayon si Athena, bakit hindi mo tawagan?" pagbabalik niya sa akin ng tanong.

"Ayoko kung sa kanya lang din naman ako aasa, h'wag na." tumayo ako mula sa monoblock na kinauupuan saka sinukbit ang sling bag ko.

"O saan ka pupunta?" tanong niyang muli.

"Gagawa ng paraan para mahanap si Athena,"

"Nang ikaw lang mag-isa?" Padabog niyang ibinagsak ang sandok sa kawali. "Sira ba ang ulo ml? Ikaw nga'y tumigil-tigil Stella, maawa ka naman sa sarili mo pati na dyan sa limang buwang gulang na bata na nandyan sa sinapupunan mo." Panenermon pa niya sa akin.

"Kung hindi ako kikilos, sino? Walang nakaka-alam kung nasaan siya, e paano kung napahamak siya? Hindi kakayanin ng konsensya ko kung mangyayari 'yon."

"Hindi lang naman siya ang nangangailangan ng tulong Stella, ikaw rin. Marami naman siyang mga kaibigan, pupwede nilang pagtulong-tulongan ang paghahanap sa kanya. Saka isa pa, hindi mo naman sila kaano-ano e. Dapat nga labas ka sa kung ano man ang gulong kinasasangkutan ng pamilya nila." Litanya ni Sarah.

"Sarah, alam mo naman na parang pamilya na ang turing ko sa kanila, nung nagpariwara ako sila ang tumanggap sa akin. Kaya kung ano man ang problema nila, problema ko na din." Siya namang saad ko.

"Hindi ka na talaga papapigil?" Muling tanong niya, tumango lamang ako. "O sige, kung 'yan ang desisyon mo. Nay kinuha siya mula sa bulsa niya at nang ilabas niya iyon ay agad niyang iniabot sa akin. Isang susi, susi ng kotse. "Kay Noel 'yan, alam ko naman kung saan ka paparoon e, ikaw na lang din ang mag-abot sa kanya. Mag-iingat ka, Stella."

Mahigpit akong yumakap kay Sarah, ramdam ko ang pag-aalala niya para sa akin at sa anak ko. May choice ako na hindi gawin pero hindi pwedeng wala akong gawin. Hindi pwexeng tutunganga lang ako habang naghihintay ng masamang balita tungkol kay Athena, best friend ko siya at para na rin kaming magkapatid. Kung ano man ang problema niya ay problema ko na rin…

Bago ako umalis ay nagpaaalam muna ako kay Asianna, humalik ako sa kabaong kinalalagakan ng katawan niya. Nagpaalam rin ako kay Aunty Clara, binilinan ko si Azzy na siya na muna ang bahala kay Aunty habang wala ako. 

Tinahak ko ang wlanag kasiguraduhang landas, lulan ng kotse ay dinala ko ang sarili ko sa mansyon na walang kasiguraduhan. Ang mansyon ng mga Yu, malakas ang kutob ko na makakakuha ako ng impormasyon tungk kay Athena pati na kina Ninong Enzo at Ninang Aileen.

Naabutan ko na bukas ang tarangkahan ng mansyon, inihinto ko ang sasakyan ngunit hindi muna ako bumaba. Ilang minuto pa ang hinintay ko, tinatansya ko kung may taong lalabas mula sa bahay ngunit makalipas ng sampung minuto ay wala pa rin na lumalabas mula sa loob. Nagpasya na akong bumaba mula sa sasakyan, tinahak ko ang pathway na papunta sa loob ng mansyon. Walang tao, ultimo mga kasambahay nila ay wala rin. Tahimik ang loob ng bahay, alam kong trespassing ang ginagawa ko pero wala naman akong pagpipilian..

"S-Stella…" isang bulong mula sa hindi kalayuan ang narinig ko. Kasabay noon ay isang pagsutsut, luminga-linga ako hanggang sa maaninag ko ang pigura ng isang babae na may kulay kalawang na buhok. Nakatago siya malapit sa may hagdan…

"C-Courtney?" mahinang usal ko nang makita ko siya. Itinapat niya ang hintuturo niya sa pagitan ng mga mata niya na para bang pinatatahimik ako. Iminuwestra niya ang kamay niya na animo'y pinapalapit ako sa kinaroroonan niya.