သတိ! ငရှုပ်လေးကိုမချစ်ရ! ( သတိ! ငရႈပ္ေလးကိုမခ်စ္ရ! )Completed

🤍15🤍

🐯Unicode🐯

Bright တို့ကုမ္ပဏီတစ်ခုလုံး ခါတိုင်းထက်ပိုပြီး အလုပ်များနေကြသည်။ဝန်ထမ်းတွေ တစ်ယောက်မှအနားမရသလို Bright ကိုယ်တိုင်လဲ ပွဲဆက်တွေများနေတာမလို့ အလုပ်နဲ့အိမ် အိမ်နဲ့အလုပ်သာလျှင် ကူးကလန်ခတ်နေပြီး တခြားဘယ်သူနဲ့မှမဆက်သွယ်ဖြစ်ပါ။

ဒီနှစ်ရဲ့ Fashion show ပွဲမှာ BW Brand ကတော်တော်လေးနာမည်ရခဲ့သည်ဟုဆိုရမည်။တော်တော်များများရဲ့ အာရုံစိုက်ခြင်းကိုခံခဲ့ရပြီး အခုဆို နိုင်ငံကျော် Brand တချို့ရဲ့ပူးပေါင်းလုပ်ဆောင်ရန် ကမ်းလှမ်းချက်များပင် ဝမ်းသာအားရလက်ခံရရှိခဲ့ပြီ။ကမ္ဘာကျော် Brand မဖြစ်သေးသည့်တိုင် နိုင်ငံကျော် Brand ဖြစ်လာရန်မှာ များမကြာတော့ပြီ။
ဟိုငရှုပ်​လေးရဲ့ကျေးဇူးတွေလဲ ပါခဲ့သည်ပေါ့လေ။

"ဘော့စ် အကုန်အသင့်ဖြစ်နေပြီ လက်မှတ်ထိုးရုံပဲနော်..."

အတွင်းရေးမှူးမလေးက စာချုပ်ကို သူဌေးရှေ့ချပေးလိုက်သော်လဲ Ph ကိုပဲစိုက်ကြည့်ပြုံးနေတဲ့ဘောစိကြောင့် အနည်းငယ်ခေါင်းစောင်းကြည့်လိုက်သည်။

"အော်..Win ရဲ့စင်ပေါ်မှာပတ်နေတာလေးက အခုတလောအရမ်း hot ဖြစ်နေတာလေ..Tiktot မှာဆို Win ပုံစံအတိုင်းစင်ပေါ်တက်ပြီးပတ်လျှောက်နေတဲ့ဟာသလေးတွေ တော်တော်များများဆော့ကြတယ် သူ့ကြောင့် ကျွန်မတို့ Brand show ပွဲကိုလဲတော်တော်များများ ရှာကြည့်ကြတယ်လေ viewer တွေမနည်းဘူးဘော့စ် အရောင်း manager တွေတောင်အစီရင်ခံမယ်ပြောတယ် ရောင်းအားမတရားထိုးတက်လာလို့ ဆိုင်ခွဲတွေထပ်ချဲ့ဖို့ရောဝန်ထမ်းအင်အားတိုးဖို့ရော "

"ဒီတစ်ပတ်အစည်းအဝေးမှာ ကျွန်တော်စဥ်းစားထားပါတယ် အတွင်းရေးမှူးကြိုပြင်ဆင်ထားပါ"

Bright သေချာနားစိုက်ထောင်နေရင်းက Win ရဲ့ hot ဖြစ်နေတဲ့ Vd အောက်က comment တွေကိုတစ်ခုချင်းလိုက်ဖတ်ကြည့်လိုက်သည်။

💬ကျွန်မရဲ့ကလေးလေးပါရှင်..ကျွန်မမအားတုန်း စင်ပေါ်တက်ဆော့တာပါ 🤧

💬ဟဲ့ ဟဲ့ ကလေးကပဲပေးလို့ဝသေးဘူးရယ်..မဆင်းချင်ဆင်းချင်လေးနဲ့ဟယ်..ဘာလေးတုန်း 😆