حكاية * رواحل .و. أفتداء
بقلم * فراقد حسن علي
الحلقة * ١٠ *
÷÷÷÷÷÷÷÷÷÷÷÷÷÷÷÷÷
صباح الفل والورد المنثور والياسمين 💐🌷🌹
صباح الخير متجدد بالصلاة على محمد وآل محمد...
أفتداء:-
وصدك بليل اني وأحلام وزينب بيتنه خبزه جوة راسنه
وكلنه نفس الكلام الكالت عليه خالتي ......
من كعدنه ألصبح وكلنه مجموعين على الريوك
مرتجى كال :- اي منو حلمت تسولف
أني حلمت بالحب،،،يمه بس تعترضين أخذها واشرد
واخليكم ناس تردم ناس...وألعباس أنهي عليها
واخرب شيب أبويه وأبوها.
خالتي ختام ( أمه ) سلكته بكفخه على فخذه
وكالتله:- أدبسزز شويه السانك...أحترم حالك ولا تجاوز أبوك كالك هي ألك بس خلص السادس.
أحلام كالت :- أني لمحت شهاب
وبس وحدنه من نسوانه لمحتها...والمنام الباقي مخربط
يوسف ضحك وكال :- خدوج زعم أني حالي حال الربع...هم بيتت نص رغيف خبز تحت وسادتي...
وطافتني الجٌكَه...أكلج خدوجة شو دحكتها حلوه
وخلقتها تختلف.
خالتي بسرعه شالت أيدها للسمه وكالت:-أبخت شيخ مسعود...ويصير البالي الا أخذكم زواره لضريحه.
هو صاح:- هاااا خدوووجه...عليج هو بخت شيخ مسعود لا تنذرين وتنكبينه وتصكعينه بنذرج
غادي أنسي بعد تصلين...انذري للكاظم أحسن
هنا المرقد خطوتين أخذج ألعصر زواره.
خالتي ختام كالت :- وأنتي فدوى ما شفتي شي .
كتلها:-اني اتذكر حلمت بس شو ما أتذكره
من كعدت نسيته....
مر ألوكت والظهر حضرنه غراضنه...نريد نروح للكاظميه للزياره...
بيت خالتي ختام عدهم سياره كيه
خابرت على مرتضى وكالتله :-
جيب مصطفى وتعالوا نروح كلنا للزياره خالاتكم ضايجات...
أني على حظي الحلو...الدوره أجتني من ألبارحه
محتاجه غيرات نسائيه...أمي أدزها على نوعيه
تجيبلي غيرها...عاد أني وياها رحنه للمحل
أنوب كاعد رجال جبير بالمحل...
رجعت الكيس الجابته أمي ...
وأخذت الكيس الاحتاجة...بس متت من الخجل...
ضميته بالعلاكه السوده،،،وخليتها جوة عبايتي.
بطلعتنه من المحل وسياره أجت سريعه
وشحطت بنص الشارع...
ونزل منها ولد شاب يركض وخايف
نزلوا وراه أثنين شباب يركضون...
وأحد منهم ضربه طلقات بظهره...
خطيه هو وكع على وجهه بنص ألشارع
وبس صاح :٠ يمه ه ه ه ،،،، وسكت......
ودمه كام يسيح بالكاع صار بركه داير مدايره
وهذولك ألولد رجعوا ركض للسياره...
السايق ما نزل منها...بس صعدوا شخطها وانهزموا.
أنت تقرأ
رواحل .و. أفتداء
ChickLitعليك اتسودنت مو بس أخاف أعليك... أحل روحي و أكضّك خايف تحلّك.... و أغمَض من أشوفك و أخدر أعله الصوت.... غلطة أنته بحياتي و صعبه ما ازلّك.... چم إبليس أطرد من يوزني أعليك..... و چم شيطان أرجمه أبروحي و أكتلّك...... ما صيرن نبي بس راهب آنه أوياك..... ...
