حكاية * رواحل .و. أفتداء
بقلم * فراقد حسن علي
الحلقة * ١٥ *
÷÷÷÷÷÷÷÷÷÷÷÷÷÷÷÷÷
مسائكم حياة 🏝️يملؤه الورود والزهور 💐
والصلاة على الرسول 🌷🌹فالصلاة عليه
تملؤها العافية والرضى والسرور 😄
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
أفتداء :-
هوسه وأمي وخالتي ويوسف حايرين بالصندوك...
تقربت أضوي وأشوف جاهل نايم بالصندوك
وملفوف بكونيه وسخه...وكله دم وسخ وقذر
وما يتحرك نايم،،،ما أدري ميت
وياه مسره طويل ومعكود....
خالتي مدت ايدها عليه كالت :-يوول هذا عدل
تخسه والله جامد من البرد...يووول راح يكف كلبه..
منين جبته....؟؟؟؟
أمي شالته من مكانه وخلته بحظنها
وجرت لحاف خالتي وصاحت :- اركضي يمه
شعلي صوبه خطيه راح يموت.
يوسف تربع وكعد كبالها خايف ويكلها :-هااا خاله
صدك راح يفطس ...
خالتي تقربت على أمي وكالتلها :بس ادحك مسره
لا تنفخ بطنه ويموت...
أني واكفه واباوع جمدت أتفرج على المسكين
ما يبجي ولا يتحرك ولا بي صوت
شلون عرفته خالتي عايش ما أعرف...؟!
يوسف هو طفر وشعل الصوبه...
جابها وخلاها بصف أمي...
و أنوب ركض وشعل الإله وجابها يمهن.
خالتي كالت :-دبرولي شاش وموس جديد
اكص مسره خطيه...
أمي لافته بحظنها ومغطيته وتفرك بظهره
يوسف ركض جاب موس مال حلاقه جديد
وبقه حاير منين يجيب شاش ما عدنه
خالتي كالت :-يوول فدوه لا تتكدشين وتصفنين
الوليد راح يموت أمزكي شيلتي وخضي منها الخيط
بمي دافي وملح بساع لا تتأخرين.
يوسف هو اليركض ومخبوص
بسنونه مزق شيله خالتي وطلع منها شريط
ركضت وراه للمطبخ خليت بكلاص مي حار وملح
وغسلنه الشريط..
رجعنه وأشوف أمي تبجي...كاللها يوسف:- هااا فطس
جاوبته :-لا خطيه عايش بس تعبان
شوفه نفسه ضعيف وجامد من البرد
هو يوسف كابل أمي وخالتي وكعد متربع كبالهن.
خالتي الجاهل هو بحظن امي
كالت اليوسف :- كرب عليه الضوه
يوسف يكلها :- يمه لا تخربي شمعرفج منا تنكص صرتو .
كالتله :- بس أنجعم هساع اشدها اله
يول شكثر مولده انعاج وهوش
نفس المسر دحك....
اباوع عليها قاست مسافه بصابعها...
وشدت الخيط بقوة وعكدته...
وكصت الزايد بالموس...
أنت تقرأ
رواحل .و. أفتداء
ChickLitعليك اتسودنت مو بس أخاف أعليك... أحل روحي و أكضّك خايف تحلّك.... و أغمَض من أشوفك و أخدر أعله الصوت.... غلطة أنته بحياتي و صعبه ما ازلّك.... چم إبليس أطرد من يوزني أعليك..... و چم شيطان أرجمه أبروحي و أكتلّك...... ما صيرن نبي بس راهب آنه أوياك..... ...
