حكاية * رواحل .و. أفتداء
بقلم * فراقد حسن علي
الحلقة * ٣١ *
÷÷÷÷÷÷÷÷÷÷÷÷÷÷÷÷÷
حلقه قصيره أحسن من ماكو 😁
عندي حملة تنظيف
نهاية الأسبوع عندي عمليه لأبني
فلازم أعدل وأرتب مابيه حيل للانتقادات 😆
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
مهما كُنت ذكياً: - سيقودك قلبك للغباء يوماً
أفتداء :-
خالتي فجرت مفخخه حملي وطكتها بوجود الجميع
الكل سكت...هدوووء قاتل
ويوسف فتح عيونه على كبرهن وصفن بوجهي....
خالتي ختام هلهلت هلوله طرشت اذانهم.
يمه متت من الخجل...
من صارت التهاني والتبريكات والكلام الحلو
يزخ علينه من حلوك الكل.
الحياطين نطقت وجاوبت
ويوسف ساكت وصافن عليه ولا رد...
بهذيج اللحظات حسيت بفرحه
حسيت بعزوه...
حسيت بقوة جبر الخاطر وتعويض ربي اليه...
هسه حسيت بصدعة روحي انجبرت
بعد هذاك الذل والاذيه المريت بيها بسبب خداع ومكر وكذب زوجي عليه وكسرني وتزوج غيري
لأن ما أخلف...الف الحمد لله هذا حملي أكبر جبر الكسري...
ضحكت وهسه يلا عرفت ليش خالتي ضمت خبر حملي...والله طلعتي مو سهله خديجة السمينه
وبدل الفرحه الوحده طشن علينه فرحتين
رجعة يوسف بسلامه...وخبر حملي .
هي خالتي والكل اعتبروا حملي فرحه حلوه ..
بس أني أشوفه أقوى جبرة اليه
بس يا شوفة يوسف وسكوته ما تسر لا عدو
ولا صديق...وبالاخص من سأله عمه
هذا جان من البدايه معترض على زواجة الثاني
كاله:-أصبر ولا تهجم حياتك...
وبفلوس العرس الثاني راجع بيهن للطبيب...
بس يوسف بعد وين يسمع غرته حلاة نعلاء...
كاله :- أي يابه بيها الخير...
عجل حرمتك الثانيه ما احبلت...؟؟؟
ولو أني أسمعت من الحريم سوالف على الطاير يكولن هي راميه مرتين...
شنهو أنت ما جنت تعرف بيها هي أعشره...؟؟؟
جاوبة يوسف بصوت مبحوح ومخنوك:- لا
أمي شلون الساعدت يوسف ونقذته من موقف الفشله كالت :- الحمد لله الله عوضه بخير جديد
واني متأكده بيها ولد...حالتها نفس عبس
ان شاء الله يجينه ولد جديد ونتباه بي.
عم يوسف كال :- اذا جاه ولد تسموه عبد الكريم
شحلاة هل إسم وكرم الله عليك يا يابه يا يوسف
يوسف جاوب عمه :-بقوة الله.
والفرحه أطش بيتنه ويه جيات المحبين
يجون يشوفون يوسف ويسلمون عليه
ومجموعه تروح ومجموعه تجي...
الجوارين...الأقرباء...الغربه...الأصدقاء
اليسمع...صاحب الواجب...كلساع يجون مجموعه
أنت تقرأ
رواحل .و. أفتداء
ChickLitعليك اتسودنت مو بس أخاف أعليك... أحل روحي و أكضّك خايف تحلّك.... و أغمَض من أشوفك و أخدر أعله الصوت.... غلطة أنته بحياتي و صعبه ما ازلّك.... چم إبليس أطرد من يوزني أعليك..... و چم شيطان أرجمه أبروحي و أكتلّك...... ما صيرن نبي بس راهب آنه أوياك..... ...
