حكاية * رواحل .و. أفتداء
بقلم * فراقد حسن علي
الحلقة * ٨ *
÷÷÷÷÷÷÷÷÷÷÷÷÷÷÷÷÷
صباح الخيرات والبركات والمسرات والعافية 💐💐
صباح النشاط و الدوام 😁
أفتداء:-
تقريبآ أستقرينه أني وأمي بيت خالي يعقوب
علمود أنداري خالتي خديجة...
خطيه أحلام وخاله فريال هم يتعبن...
عدهن جهال،،وفرة البيت،،والخطار رايح راجع عليهم.
خالي ألسبع بين يوم والثالث،،لو بين يوم ويوم يمرلنه
من يكول :-ما تروحن للبيت
يجاوبه خالي حميد،،لو خالي يعقوب:-شعدهن رايحات
عوفهن هنا يساعدن أم يوسف...
ومره ظل يلح الا نروح وياه للبيت
خالي يعقوب كاله:- ترى هذا هم بيتهن...
وبعدين أمينه لا عدها رجال اليحاسبها،،
ولا ولد أليبجي عليها ....
ما تشوف أم يوسف تعبانه وألبنات ما يكدرن على عنايتها وحدهن .
ما أعرف خالي ألسبع شنو شاور خالي يعقوب
وهو خالي يعقوب عاط وكاله:- ما أسمحلك
أني مو مكرن ومطفي حتى تصب سمك بذاني...
يمكن وره يومين وخاله فريال سولفت وكالت:- يعقوب
كلش مقهور من كلام سعد...كايله:-ألشباب هنا...
وأنت أكثر وكتك بشغلك...
وهاي فدوه فطيره وحلوه أخاف عليها لا واحد منهم
يستغلها...وأمها مطفيه...خاف يصير عليها شي
وشيخلصنه من عمامها .
أحلام كالت:-عمه ان جنتم خايفين من يوسف
وحسبالكم عيونه نكسه ويرفعها على ألبنوات
أني لا تحسبوني أخته وأدافعله...بس الله شاهد
هو نظيف وأبد ما عنده عين نكسه،،لو نفس دنيه ويدحك على خواته.
خاله فريال جاوبتها وكالتلها:- لا خالج سعد يضوج
من ولد خالتج ختام...بس أني كلت اليعقوب
فدوى حبابه وخوش بنيه وابد ما تنطي مجال لواحد
يسمعها كلمه مو عاد يستغلها أسم الله.
رجعت أحلام تحجي شلون بعدها بموقف ألدفاع عن أخوها وكالت:-الله شاهد أخوي يوسف سبع
وذيب ما ينكحم لو وكف بوجه الدنيا
بس عينه نظيفه...ونفسه صافيه لا تخافون من يمه.
حت مرات نحسه فقير وعلى نياته...
يمكن بدايه ألعام ...
عدنه وحده من بنوات عمي تخربطت ...
وهي من ألعصر متعارضه...
أخذها هو وأمي وأمها للمشفي...
وغادي معالجيها...من أرجعوا للبيت
سأل أمي ويكلها:- يمه هي عفراء بنيه
شلون الدكتوره تكول حالتها عاديه وتصير ويه أكثر ألبنوات من تجيهن الشهريه...هي العاده مو تجي بس للمتزوجات...!!
تكول أمي :- أني وابوجن خرطنه من ألضحك
وهو يسأل من كل عكله...ويريد يعرف
الشهريه تجي للبنات لو بس للمتزوجات...
وأمي كايلتله:- ول العاده تجي للبنوات من هن صغار
كون عمرهن من ١٢ سنه وفوك...ما دحك جسمهن شلون يفور...بس يطفرن من المدرسه ألأبتدائية.
أنت تقرأ
رواحل .و. أفتداء
Chick-Litعليك اتسودنت مو بس أخاف أعليك... أحل روحي و أكضّك خايف تحلّك.... و أغمَض من أشوفك و أخدر أعله الصوت.... غلطة أنته بحياتي و صعبه ما ازلّك.... چم إبليس أطرد من يوزني أعليك..... و چم شيطان أرجمه أبروحي و أكتلّك...... ما صيرن نبي بس راهب آنه أوياك..... ...
