حكاية * رواحل .و. أفتداء
بقلم * فراقد حسن علي
الحلقة * ١٩ *
÷÷÷÷÷÷÷÷÷÷÷÷÷÷÷÷÷
أفتداء :-
وصدك بقيت أشمشم اخبار بيت خالتي ختام
وأريد أعرف شنو حال زينب
ومرتضى وين صفه بي الوكت
كلساع أتوسل باامي تخابر على خالتي فريال
وهي تستحي تكول :-شيكولون عليه أتشمشم إعلوم
خالتي خديجة كالت :- وهي ختام عش ازعلت
وبنتها جابتلنه الفواين...العصر أمشيلها
وادحك عليش ازعلانه واحنه أنكبه من وره فواينهن المفروض أحنه النزعل...
وصدك خالتي سوت البراسها
وأخذت أمي بدايه وكت العصر
وراحن لبيت خالتي ختام
هن خوات وحبايب وخوتهن قويه
ما يخلن الزعل يمر بيناتهن.
يوسف ما قبل على روحتهن
بس خالتي ما سمعت من عنده...
واني مكيفه بداخلي على هاي الخطوه
مو محبتة بصلح ويه زينب
بس أريد أعرف أخبارهم.
ويمكن للساعه ب ٨ لو شويه أقل
رجعت خالتي وأمي وجايبهن مرتضى
هم دخل مثل كل مره يسلم بهوسه وخبصه
من باب الشارع يصيح :عوود السلام عليكم يالربع.
يوسف موجود بالبيت سمع صوته
جان متمدد وغليص نايم على صدره
كام بوجه وسلم عليه...
مرتضى سلم على يوسف...وبعدين دنك شال غليص من الكاع ضحك وكال :غليص ولد رماح مالو أمان.
أنوب سلم عليه وكال :-شلونج أم غليص...
ول بروح جدتي أعزميني على ممبار
وصرر كروش بروح الماتلج.
ضحكت وكتله :- لو تفطس ما تكدر تحجي مثل يوسف...
وشذكرك بالممبار والكروش...مو عساس أنتم مثقفين
وطبقتكم راقيه شكو تأكل هيجي أكلات شعبيه.
هو يبوس بغليص ودغدغه بلعومه
ويحكحك وجهه بلحيته خربه من الضحك
كال :-وول بس سويهن ومالج دخل بالثقافه
تعرفيني أموت على هذن سوالف.
يوسف كال :شنهو هذا أكل لو شوربه لو شنهو
جاوبه مرتضى :يبووو عمرك خساره
يمك خالتي وفدوى وما مأكل هاي السوالف
لو اني منك كل جمعه اهددها لو تسويهن اليه
لو اطلكها...
ضحكت وكتله :اسم الله ليش يطلكني
تدلل الجمعه اطبخلك بجدر الحسين ممبار وكروش
كعد هو ويوسف بالاستقبال
واني ركضت اسأل أمي وخالتي شكو ماكو
وشصاير هناك....
طلع مرتضى زعلان ورايح بيت واحد من عمامه
وأبوه راح مسولف وياه ومرجعه للبيت.
و العلويه أسمها رباب...خطيه خرسه عن كبر
هي مخلصه سادس إعدادي...
وداخله دوره سريعه الصارت بعهد صدام
ومتعينه معلمه ادرس ابتدائيه...
أنت تقرأ
رواحل .و. أفتداء
ChickLitعليك اتسودنت مو بس أخاف أعليك... أحل روحي و أكضّك خايف تحلّك.... و أغمَض من أشوفك و أخدر أعله الصوت.... غلطة أنته بحياتي و صعبه ما ازلّك.... چم إبليس أطرد من يوزني أعليك..... و چم شيطان أرجمه أبروحي و أكتلّك...... ما صيرن نبي بس راهب آنه أوياك..... ...
