رواحل .و. أفتداء

ح ٢٥

حكاية * رواحل .و. أفتداء

بقلم * فراقد حسن علي

الحلقة * ٢٥ *
÷÷÷÷÷÷÷÷÷÷÷÷÷÷÷÷÷

حبي لك كان أختيار....ورحيلك كان قرار ....
وما بين أختياري وقرارك مات في داخلي نبض
هو أنت.........

أفتداء :-

عفيه على قلبي شكد كٓوي وما نفذ صبري....

الله أكبر قلبي طك على شوفت ألاحباب ...
أنسليت...غديت جلد وعظم.

منا فراك غليص يطحن بروحي...

منا فراك يوسف ينهش بجسمي وبعقلي وبقلبي...

ومنا ضيم السكر يعلس بعافيتي ويطم بزهره شبابي.

أشبع بجي،،،اشبع دك ولطم،،،أكل بروحي
من أشغل قصايد الملأ باسم الكربلائي بالتلفون واسمعها...الملأ باسم صار رفيق يومي
بس هو يحس بجروحي ويعرف يسولف ويايه.

ربي ساعدني جمرة الندم تلهب بروحي...
لا البجي يبردها...ولا زياره كبور النجف تطفيها .

أمانة الله ورسوله حلفوا الملأ باسم يبطل نحيب
ويبطل يصيح دنيااااا مابيها بس هم وغدر

هو يصير الليل واني روحي تغيب اتخربط واوكع...
وتحير بيه أمي وخالتي...

بيوم صادف السبت صعد عندي سكر أنسطرت
الصبح دنت نفسي على شويه مربى مال تين
وأكلت خاشوكة...لو تزوهرت...

وجنت مبدله ومتحضرله اريد اروح أزور أبو طلبه تعودت كل سبت أزوره وادك بابه وارجع...
اطلب منه مراد الشفاء اليوسف...
وشفاء الروحي وكون تطفه جمره الندم بداخلي.

وتطبنه أحلام وشهاب وعمة يوسف مرأه جبيره

وهاي من تجي أحلام تاخذ ساعه نويح وبجي
تذكر غليص...وتشوف البيت فارغ من ظل أخوها .

عمه يوسف من نسوان كبل....
مرأه جبيره وجهه كله تجاعيد...
لا تقرأ ولا تكتب...و معرفتها أخذتها من الدنيا
تحجي أنباري طوخ...
يوسف كلامه بي مجال أفتهم عليه
الا كلام أهله يحتاجلي مترجم يلا أفتهم عليهم...

بقت تحجي عليه وترزل بيه...
لأن بس أنوح وادك والطم...
شكد حجت بس شويه افتهمت منها...
كالت :- غدي بشر ما تجي بعينوا رحمة الله
يولي يالجكة عليش ما تذكرين الله
يولي وليدج أحسن لو سيد البرية...؟؟؟
هل تراه حبيب الله وهم توفه ومشه الدار حكو...

يولي كلنا أنغرك أبحر الموت...
وهنيالوا المشى ليغادي مجفن واهلوا حاضرينوا....

غدي شعندج من روحة جازعه وناكره فضل الله عليها...