حكاية * رواحل .و. أفتداء
بقلم * فراقد حسن علي
الحلقة * ٣٥ *
÷÷÷÷÷÷÷÷÷÷÷÷÷÷÷÷÷
قال لقمان:- إن الدنيا بحر عميق
وقد غرق فيه أناس كثير،،فلتكن سفينتك تقوى الله
أفتداء :- دخلنه بسنه ٢٠٢٠
توكلنا وكلنه يالله....وكمنه وكلنا يا علي...
أني وخالتي وأمي نعرف وندري يوسف عليه سحر
كل ما نكشفله يم الساده يطلع عنده سحر ومس
بس شنو شلنه هاي الفكره من تفكيره نهائي
هو عقله بي شخطه ما ناقصه بعد تفكير بهذا الجانب
ودوم نسولف كدامه ونأكد هو عنده تحصين
ونشجعه يلتزم بالعلاج القرأني...
حتى يخلص نفسه وجسمه من المرض والتعب...
يعني شلون النشجعة ونقوي عزيمته...
هو شلون التعود كل ما يلزم كلاص المي
يقره عليه سوره الفاتحه بالعدد الي يعجبه يلا يشربه وهوايه يشرب مي...يمكن باليوم هو شارب فد قياس أربع ابطاله ببسي من هاي الدبل...
ومن يتمدد يريد ينام يلزم راسه أنوب بلعومه
وينزل على صدره يقرأ أيه الكرسي...
وشوكت ما يعجبه راح للكاظميه هم يزور...
وهم يغير جو.
و بكيفه يروح للطبيب النفسي ماعنده التزام بموعد...
أكله:- غير تروح على الموعد
يجاوبني:-لا محتاج أغير جو...ومناك أمر أسولف وياه
أني ألاحظ صار عنده فرق...
عصبيته خفت...
أكله تقريبا رجع طبيعي...
كام يتابع تلفزيون أكثر شي،،،وترك التلفون...
عنده علاج مال الطبيب ملتزم بي يشربه على وكته
ومتلزم بالعلاج القرآني...
أني بقيت مستمره بقرايه سوره البقره
بالبدايه جانت عندي كلش صعبه...
اتغلط ما الفظ الكلمه صح هوايه كلمات أبقه أعيدها وما عندي وكت معين للقرايه وملتزمه بي
عساس أختمها لمدة ٤٠ يوم...
بس صارت عندي سهله أو تعودت عليها
وصارت ما تخذ عندي وكت تقريبا ساعه بقرايتها .
ومن نزلت تطيبق حقيبة المؤمن التابع للعتبه العباسيه...سهلت عندي اكثر...
ادخل على القرأن المحمل بالبرنامج وابدا بقرايتها
وحتى باأيام الحيض أتنظف وأبدل وأتوضه
واقراها بالتلفون...يعني ما المس الكلمات
بس اقرأ.
ما شاء الله صارت عندي قرايتها إدمان
وكلش غيرت يومي...واستقرت نفسيتي
حتى أحس صحتي زينه...وسكري مستقر...
حسيت حياتي أنتظمت...
اصفن واسأل روحي عود ليش الإنسان من يوكع بشدة ويتاذه يلا يتمسك بحبل الإيمان
ويتوجه الرب العالمين....؟؟؟
يعني أقصد على الإنسان إلى التزامه الديني عادي
ما أقصد على الإنسان المتدين...؟؟؟
يعني يوسف استغفر الله جان أبد ما اله علاقه بجانب الدين...وجان أبد ما يهتم...
بس هسه لا شويه شويه بلش يتمسك بحبل الإيمان...
أنت تقرأ
رواحل .و. أفتداء
ChickLitعليك اتسودنت مو بس أخاف أعليك... أحل روحي و أكضّك خايف تحلّك.... و أغمَض من أشوفك و أخدر أعله الصوت.... غلطة أنته بحياتي و صعبه ما ازلّك.... چم إبليس أطرد من يوزني أعليك..... و چم شيطان أرجمه أبروحي و أكتلّك...... ما صيرن نبي بس راهب آنه أوياك..... ...
