رواحل .و. أفتداء

ح ٢٩

حكاية * رواحل .و. أفتداء

بقلم * فراقد حسن علي

الحلقة * ٢٩ *
٪

٪٪٪٪٪٪٪٪٪٪٪٪٪٪٪٪٪٪٪٪

اااخ يا غمج جرحي شيطيبك....؟!

أفتداء :-

عدت يومين على مراسلتي ويه مروان...

وما أشوف الا يوسف بليل راجع من بره
عيونه بكصته...

جنت كاعده بالهول اتفرج على التلفزيون ويه أمي
وخالتي ونعلاء كاعده يمنه بس تقرأ...

أجه من باب الشارع وسحلني سحل
أريد أفتهم شكو شبي...ما انطاني مجال...
شكك تشيرت البرمودا عليه...
واخذني سحل للغرفة...

قفل الباب لان أمي وحتى نعلاء فزعتلي
واجني ورانه....هو تخبل عليه...

بقى يتلفت داير مدايره...
وجان يلكف الشاحنه من نقطه الكهرباء
وجلدني بيها...كطعني تكطع بالواير
شطب جسمي شطب....
ويصيح:- يوووولي منهوو خرخاشه.

أنوب رجع عليه صخمني...شكد جنت أسمع
بنسوان يغتصبوهن ارجولتهن بس ما جنت اصدك
هسه مر عليه الموقف...ذذذذذذله بمعنى الذله
يضربني ويتقربلي نهاني نهي...

ما عافني الا فقدت بيده.......

وعيت على مي أنرشك بوجهي ...
وايد تسطرني على وجهي...
صوت يروح ويرجع...
لساني لازك على لهاتي...
جسمي ما أحس بي...

بديت أوعى على روحي...
فتحت عيوني بالكوه...
ارمش ما أشوف زين...

صوت يوسف وهو يكول:- يووولي شووو أصحى
خرررب شيب أبوج على هل الدكة الجايفه.

حسيته يلبسني دشداشه...
يعتعت بيها ويدخلها براسي بالقوه...

رجع غسل وجهي بمي ...
لا هذا مو مي...!!! شي بي حلاه ...
عصرت مخي وركزت بالطعم هذا عصير مال بواكيت الجهال

انخبص بيه وهو يلبسني الدشداشه
ويكلبني منا...ويرجعني منا...

أني أحس روحي مشلوله...
خلص حيلي من الضرب والاذيه وساحت روحي.

راح فتح باب الغرفه وركعها بقوه انفتحت

رجع عليه يريد يشيلني ما كدر إيده بيها بلاتين

سمعت صوت نعلاء عاطت:-يمه عززززا هاي ليش هيج...حرام عليك...يالله ماتت البينه...
الله لا ينطي خبالاتك .

عاط بيها:- أنللللصمي وجيبي مي...

صوت عبس بجه بخوف وصاح:- ماما

هو بعده يسطرني على وجهي خفيف

أمي عاطت:- خدددديجة بنتي مااات

وهو عاااط:- مابيها شييي اكفيييي مااابيها شييي

انرشك مي عليه وايد ناعمه تغسل بوجهي
عرفتها نعلاء...سمعتها تشهك وتبجي