رواحل .و. أفتداء

ح ١٦

حكاية * رواحل .و. أفتداء

بقلم * فراقد حسن علي

الحلقة * ١٦ *
÷÷÷÷÷÷÷÷÷÷÷÷÷÷÷÷÷

نسمات الصّباح العليل ..🌄
دوماً ما تكون مُمتلئةٌ بِـإحساس جميل ..💗
وتشعرنا بأن يومنا هذا سيكون سعيد ..😇
هِي هكذا أجواء الصَباح دُون تكلف .. 💫
يُكون عِنوانُها التّفاؤُل 😍وَإشراقتها الأمــل .. 🌾
صباحكم حياة 🏝️تملؤها الورود والزهور 💐
والصلاة على الرسول 🌷🌹فالصلاة عليه
تملؤها العافية والرضى والسرور.........
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

يوسف :-

السلام عليكم ورحمة الله وبركاته ...

بعدكم لهساع تذكروني لو نسيتوا طارييي....؟!

ول ألدنيا منكوبه...بسنه ٢٠٠٦ والبلد مهجوم
وأمي حصرتني تعال أتزوج.......

أسولف وياها وأكلها :- يمه ياهي الترضه بحالي
ول يمه حت شغل ما عندي
هل مكابلج وكاعد...وانتي ثبرتيني تخافين عليه
من طلعت الشارع بسبب لهجتي وطبعي ولبسي كلشي بيه يدل عليه...أني أزلمه من اهل ألغربيه وتخافين عليه لا يطلعلي واحد أبن حرام ويصكني بسبب إختلاف اللهجه مو المذهب...
ويلكح جثتي بالسيان.

تجاوبني:-محصنتك بقوة لا اله الا الله
ول يمه فكر بيه كبل لا تفكر بروحك
باجر عكبه عمامك يدبرون حل لحال أختك أحلام
منهو خلافها يعيني...

ول يمه بنوات عمامك يامكثرهن...
واذا تعجبك وحدة ومن بنوات خوالك
بس فكر وأتخير وكول إني اخلصها الك...

إني حالي حال كل الشباب عاجبني اتزوج
وأسس حياتي وأبني عايله...

بنوات عمامي ما أدحكلهن بعين الزواج والارتباط
حسابهن خواتي...ربينه سوه

بنوات عماتي التوبة على أيد النبي اذا فكرت
بوحده منهن...هذيج المصكوعه مشيت عليها
وخطبتها وكشفتها مغصوبه عليه...فصختها من ذمتي ولاهساع ولا بعدين افكر بوحده منهن...

بجمعة الولد بالشقه والضحك وجبت طاري الزواج
مرتضى أبن خالتي عرض عليه اخته زينب بحجة الشقه...كالي:-أخذها وانطيك وياها سياره هديه
بس فكني من خلقتها...

كتله :-عجل أنطيني مهله افكر واردلك خبر.

وراها أمي عرضت عليه اتخير فدوه بنت خالتي أمونه...وظلت تقنع وتسولف
وهي وحيده خالتي...واذا صارت القسمة تظل خالتي
ساكنه ويانه على واهسهن.

ظليت محتار بين زينب وبين فدوه...

أدحك لزينب لبسها وحركاتها أبد ما تعجبني
البنيه التلفح ما تعجبني لو يصغوها اليه من ذهب
زينب من هين تلبج وتلفح،،،ومن هين متطلبه ما تقنع...