رواحل .و. أفتداء

ح ١٣

حكاية * رواحل .و. أفتداء

بقلم * فراقد حسن علي

الحلقة * ١٣ *
÷÷÷÷÷÷÷÷÷÷÷÷÷÷÷÷÷

بهدوء صباح يوم ألجمعة وروعته ...🕋
ربي لا تحرم أحبتي من أمنيه تفرح قلوبهم ...💗
وتوبه تجلي همومهم ...🌼
وتوفيقا ينير دروبهم ...💕
وسعاده تذهب احزانهم... 😇
اللهم زين حياتنا بالتوبه والغفران... 💫
وأكثر حسناتنا ب الميزان .. 🌟
اسأل الله الذي يسبح كل شئ بحمده ..🤲
ان يجعل لي ولكم صحه تامه... 💝
وبركات دائمه بذكر الصلاة على محمد وآل محمد 🌹🌷🌹🌷🌹🌷🌹🌷🌹🌷🌹🌷🌹🌷

افتداء :-

ماكو وره شويه من طلعة عمامي
ودخل علينه خالي حميد ضايج
صاح :-أمينه جيبي بنتج وامشى كدامي.

دخل وراه خالي السبع،،ويوسف،،وخالي عامر
وخالي السبع يصيح :شبيك حميد عقدهم باااااااطل

إني عقلي صار نصين...
نص يريد يفتهم شبيهم خوالي متلاغين.

ونص يفكر بصم الشكر الضامته بيدي
وخالتي ختام كالت طشي بوجه يوسف اول ماتشوفي وره قرايه الفاتحه...واحنه هسه عقدنه

هوسه والكل مخبوص...
واني لمحته يمشي وره خوالي
لابس دشداشه لونها شكري فاتح...
وساعه ذهبيه ومحبس وشايل سبحه...
ومزين لحيته ومحدد شاربه...
بوس بس خالتي...وأجي تقرب بخطواته عليه
يمكن هم يريد يسلم عليه...
إني طلعت أيدي من جوه احرام الصلاة
وطشيت صم الشكر بوجه...

هو تفاجئ بطشت الشكر بوجه
بسرعه غمض عيونه وينظف وجه من الشكر
وكال :يولوو أول مره ادحك حلاوه تلكح شكر على العالم...((ألظاهر الشكر دخل بحلكه وعرفه من حلاته ))...

النسوان الي صاحت :-شنو هذا
والي صاحت :-هاي عود ليش طشيتي
والي صاحت:- شنو غايتج

عاد خالتي ختام جاوبتهن وكالتلهن:-هاي طبيعه عدنه العروس تتلكه رجلها بطشت الشكر
الله يسعدهم...

هو أجي وكف يم وسحب راسي عليه وباسني بكصتي...كالي :أن شاء الله وبقوة الله أضمج بصبي عيني ((يعني يضمها بالبؤبو))

يمه متت من الخجل والمستحه...
هو واكف بصفي ومبتسم على لغوه خوالي
وخجلت بالزايد من خالي السبع صاح عليه :-تعال أنت الثاني هنا شتبوس عقدكم باطل...

هو كاله:-خالي عقدنه صح
بس أنت متحسس من الزلمه لأنه يتبع السيد علي السيستاني...ومايتبع السيد الصدر.

خالي السبع جاوبه :-لك مو هذا السبب
فدوى جوابها بقبول الزواج غلط
صيغة الزواج مالفظتها صح...
كالتله :-بلي موافقه وأنت وكيلي .

الصح تجاوبه :-نعم قبلت الزواج أنت وكيلي.
تنطق صيغه صح،، ولازم ما تكول حرف-و-وأنت
تكول إنت وكيلي ....