حكاية * رواحل .و. أفتداء
بقلم * فراقد حسن علي
الحلقة * ٣٢ *
÷÷÷÷÷÷÷÷÷÷÷÷÷÷÷÷÷
آسفه على التأخير...والله كلش مشغوله
الصبح ساعه ب ٨ عملية أبني...
وهاي ٣ عمليه اله...و ٥ تخدير عام
ادعوله بسلامه فدوه ال ♥️
أهل الكاظميه ريوكي عليكم 😁
ليس غباء من الفتاة اذآ صدقت كذبتك …
فالغباء فعلًا:- شعورك بــ(الرجولة) وانت تكذب عليها...
أفتداء :-
واكفه على الطباخ أحضر اليوسف ألمحلبي
أجاني عبس وانطاني الجهاز
طالع من اليوتيوب ورايح على الواتساب
يريدني أرجعله البرنامج وأغاني الجهال.
أخذته من إيده وأنصدمت صدمه عمري
اااخ ربي ررراح امووت...
أني ما أعرف بهذني سوالف البرامج
والايميل والحساب وباقي هوسه الإلكترونيات
حتى من جابلي مرتضى تلفون جديد
وشدلنه أبو كرون (الراوتر) هو رتب جهاز وانطانياه.
أباوع بالشاشة ومركزه بكل قوة دماغي...
ياربي هذا الواتساب اليه...هاي صفحتي ورقمي
هاي محادثتي ويه خالتي ختام...
أخاف أطلع منا...وبعد ما أعرف أرجع هنا
ومن احجي يكولون أدور حجة.
أخذت الجهاز ومشيت بسرعه رحت على يوسف...
أريد افتهم شنو الموضوع...
عبس يركض ورايه يبجي يريد الجهاز...
أحلام هي وجهالها كاعدين يم يوسف ويتفرجون مسلسل علم دار إعاده للمره الالف
دخلت بنوبة اخبال ودفعت الباب بقوه انركعت بالحايط ... وخليت التلفون بوجة يوسف
بس اشوفه ما انطيته الجهاز...
وعطت:-يوووسف شنووووو هذذذا...
هو كالي :- هاااا خير
بعد ما كمل كلامه وعطت :-وين الخير اليجيني من وراك...هاي صفحتي مال واتساب بجهازك شلون سويتها...فهمني شلون صارت صفحتي يمك .
كالي:- ترى سهله مطابقه حساب
كتله:- شنو مطابقه حساب
جاوبني:- يعني أفتح رقمج وحساباتج بجهازي
سألته بغباء بفهاوه وبصدمه :- ليش...؟؟!!!
هنا من صدك حسيت بكفخه غباء واستغفال
جاوبني :- شبلاج يولي عادي ترى ماعندي غايه.
شمرت جهاز عليه انركع أبطنه...
وصحت:- مو أني التشك بيه وتراقبني بطريقه حقيره
لو ماهو جهازي ٢٤ ساعه يحوس بيد عبس وبيد الجهال جان شسويت...؟؟؟
طلعت الغرفتي من صدك أحترك دمي
فرررت من القهر...ما كفاه كل السواه بيه
أنوب يستغفلني ويراقبني بطريقه حقيره
أنت تقرأ
رواحل .و. أفتداء
ChickLitعليك اتسودنت مو بس أخاف أعليك... أحل روحي و أكضّك خايف تحلّك.... و أغمَض من أشوفك و أخدر أعله الصوت.... غلطة أنته بحياتي و صعبه ما ازلّك.... چم إبليس أطرد من يوزني أعليك..... و چم شيطان أرجمه أبروحي و أكتلّك...... ما صيرن نبي بس راهب آنه أوياك..... ...
