حكاية * رواحل .و. أفتداء
بقلم * فراقد حسن علي
الحلقة * ٢٢ *
÷÷÷÷÷÷÷÷÷÷÷÷÷÷÷÷÷
رَبِّ لا تَذَرْنِي فَرْدًا وَأَنتَ خَيْرُ الْوَارِثِينَ
أخذني يوسف ورحنه للمختبر...
سويت تحليل الحمل الرقمي...
و كاعدين ننتظر ساعه...
وهو قلق ومتوتر أكثر مني
ومن صاحت البنيه بااسمي :- افتداء علي
هو طفر قبلي...ومن سمعت النتيجة منها...
وشفت ورقة التحليل ما صدكت عيوني...
حامل....واليه شهرين...دموع الفرح كامت تمطر فوك الورقه...
هي البنيه صاحبة المختبر من يمها عيونها غرغرت
وبقت تدعيلي اكوم بسلامة ونفرح بشوفة الطفل.
رجعنه للبيت ويوسف الطريق كله شابك أيدة بيدي
وكلساع يشيلها ويبوسها...
هو مايعرف يحجي ويعبر...
بس ردة فعله تعبر عن فرحتة التشع ويه ضحكته
وجهه المستبشر اليضوي بتجدد الأمل وساعة الفرح
عله صوت مسجل السياره لأعلى درجه
وقصيده يا رأيه يا عباس يا غيره يا نوماس
شاركتنه بفرحتنه...
بس وصلنه للبيت من الباب وعاط :-ووول يمه
أجاااني عباااس.
خطيه خالتي كامت تهلهل وتبجي.
وأمي حظنتني ضمتني بنص قلبها...وتبوس بيه
وعيونها مطرت دموع الفرح.
وغليص خبله يوسف شاله ويهوسون سويه
تخبلوا.
رحت بوست خالتي خطيه شبعت بجي..
ويوسف خابر على مروان وكاله :يول دحك عليه
بعد ممنوع تناديني يوسف تناديني أبو محمد
وابو عباس.
وضحك من كل خاطرة وضحك بفرح...
ما نسمع مران شنو يسولف وياه.
والحمد لله ما طول طش البشاره بين اقربائنه
لا نص ساعه هوايه...تلفون يرن وتلفون يسكت.
وخالتي قهرتني خطيه تخابر بالبنات(خوات يوسف)
تبشرهن وتبجي وتبوس بيوسف كاعد بصفها على جربايتها.
وخالتي كالت اليوسف :باجر تأخذها تراجع
وتجيك وضعها اندحك عليش ما يبين عدها بالتصوير
هو جاوبها : - صار...ول يمه شو أكضبي هين
وسحب ايدها وخلاها على كلبه
وكال :-هااا دحكي مو يدك دمام ومطبك
وجثير فرحان.
هي سحبته عليها يمكن للمره الالف ورجعت بوسته
وتدعيله بالخير وكثرة الرزق والسعادة ودوم الفرح.
خالتي مرأة طيبه...صارلي شكد من عايشه وياها
وبالاخص من تزوجت يوسف من نهايه ٢٠٠٦
وتم زواجنه بدايه ٢٠٠٧ وهسه يلا حبلت
يعني قبطت ٥ سنوات تمام،،،ودخلت بسنه ٦
يلا صار عندي حمل...وهي أبد ما بيوم عيرتني
لو غثتني...لو حشت برأس يوسف مثلا يتزوج عليه
لو يدور غيري علمود الخلفه.
أنت تقرأ
رواحل .و. أفتداء
ChickLitعليك اتسودنت مو بس أخاف أعليك... أحل روحي و أكضّك خايف تحلّك.... و أغمَض من أشوفك و أخدر أعله الصوت.... غلطة أنته بحياتي و صعبه ما ازلّك.... چم إبليس أطرد من يوزني أعليك..... و چم شيطان أرجمه أبروحي و أكتلّك...... ما صيرن نبي بس راهب آنه أوياك..... ...
