رواحل .و. أفتداء

ح ١٢

حكاية * رواحل .و. أفتداء

بقلم * فراقد حسن علي

الحلقة * ١٢ *
÷÷÷÷÷÷÷÷÷÷÷÷÷÷÷÷÷

بكل صباح ومساء اتجول في بستان حروفي...
اتفحص ثمار عباراتي 💗
فألمح الورود بكل الاشكال والألوان 💐
فتسحرني وردة الياسمين 🌼
تتلعثم عباراتي ويلزمني الصمت أمام جمال عبيرها احتارت كلماتي كيف تصف روعتها 🌺
فأنتم بروعة ياسمينتي 💕
هل أمسيكم بالياسمين 🌼
أم أنكم أنتم ياسمين صباحي ومسائي 💗💗💗

مساء النور والسرور والورد المنثور...
بذكر الصلاة على محمد وآل محمد 🌼🌸

افتداء :؛

من سمعت كلام خالي السبع
صفنت بوجه أمي...لا تفاجأت ولا أبد...

وبقيت اتلفت يحجون عليه لو على غيري...!!!

باوعت على يوسف...بس استقرت عيوني بعيونه
غمزلي....

يمه متت من الخجل...أحس دمي جمد بشرايني
طفرت من مكاني وانهزمت جوة للغرفه
أريد اخلص من نظراتهم...

سمعت خالي السبع صاح ورايه :. تعاي بابا شبيج
طفرتي...وضحك

وإني متت كمت احس حياطين الغرفه تحظني من الخجل...

وره وين يلا اجتني إيمان طبت تضحك
وكالت :. هاا يولي صادج يوسف
يولي بعد شيفكج من خيوطه...
الله بعد بلاج بيوسف وهمدج بسوالفه.

بقيت ساكته واباوع عليها وصافنه...
صحت بيها :. أوكفي يمعودة اني كاعده وين راح تبدلين...

هي ولا اهتمت بدلت هدومها كدامي
اني درت وجهي استحي...وهي ولا تهتم
نزعت صدريه الحوامل ولبست دشداشه عريضه وخفيفه...كالت:.ول العندج عندي عليش بعد مستحيه
جثير متضايقه منها بس اتعاجزت ابدل
وتعبت من الطريق...هساع انتعشت

إكلج تتعشين لو إكش المطبخ...؟؟

كتلها :. عوفي كلشي وروحي اكعدي يم رجلج
انتي تعبانه من الطريق...اني انظف ما عندي شي

كمت للمطبخ وبلشت انظف واعدل
أجتي أمي تريد تسويلهم جاي
وجان اجلب بيها،،واطبك الباب
كتلها:. أمونه سولفي العندج لو أعضج
من شوكت تدرين بيوسف يريد يخطبني...؟؟

هي ضحكت وكالت:. امشي اتعشى احسن ما تعضيني...وإني اسولفلج...

إني هم بعدني جوعانه ...غسلت أيدي
وخليت جدورة الاكل بالكاع وكعدت أكل واسمع لأمي تفتر وتحجي...

كالت:. كبل مده خالتج حاجتني عليج
وكالت:.شدكولين لو نعرس ونجمع وحديتج ووحيدي
ويبقى راسي متوسد راسج ويجمعنه هذه السكف
ونعيش سويه على الحلوه والمره...
وتخلصين من بيت سعد...وبيت الولد يوميه بايته بيت واحد منهم...