رواحل .و. أفتداء

ح ١٨

حكاية * رواحل .و. أفتداء

بقلم * فراقد حسن علي

الحلقة * ١٨ *
÷÷÷÷÷÷÷÷÷÷÷÷÷÷÷÷÷

((حبايب فدوة نغلس على السحك 😁))

يا غافلين ألكم الله......

أفتداء :-

من سمعت أهتزاز تلفون زينب
وظهر إسم أحلام *خديجه
على الشاشه بسرعه جاوبت...بالي يمهم
و مالحكت أتصل على يوسف...
بس فتحت الخط أجاني صوت رجال...!!!
كال :-يا هلا بفدوتي...شلونج كلبي.....!!!!!!!!

يااااا هذا مو صوت يوسف...!!!

بعدت التلفون عن أذاني وقريت الإسم عدل
مكتوب أحلام *خديجة
رجعت وكلت:- الووو منو ويايه شهاب

هو كال:-ألعفوو أختي منو حضرتج

كتله :- أخي أنت المتصل
منو تريد...؟؟؟

جاوبني :- اختي العفو منج غلطت بالاتصال
آسف واعتذر عن الإزعاج...

كتله :- ماصارت مشكله هلا بيك...
وغلقت الخط...

وره شويه دز رساله...ماكدرت اقراها
التلفون مقفول برمز الامان...

ماكو خمس دقايق أكثر شويه رجع اتصل نفس الإسم
أحلام *خديجة

رجعت فتحت الخط...بس ما حجيت
أجاني نفس صوت الرجال
كال :- ولج وين جنتي كلبي وكف كلت أبن خالتج لكفج...

كتله بضوجة :منو حضرتك مروان
لو عبدالله،،،لو شهاب...

كالي :- العفو أختي منو حضرتج...

كتله :اخي انت المتصل تريد منو...

جاوبني :- هذا مو تلفون فدوى علي

كتله :- لا هذا تلفون زينب بت خالتي
واني فدوى بنت الشهيد علي
انت منو...؟؟؟

هو سكت وجر نفس كال :بس دقيقه
انتي منو زينب لو ألحان لو حنان
عمكم أبو مهدي مووو...؟؟

جاوبته بضوجة :- أخي اني فدوى علي
مرت يوسف العامري...وخالي أبو مهدي

هو سكت وأسمع بس صوت نفسه
ويمكن شعل جكاره سمعت صوت طكت جداحة
كال :- أسالج بصراحة وجاوبني عليج العباس
انتي منو...؟؟؟ وفدوى وين...؟؟؟

جاوبته بس يمكن صوتي جان عالي
:- أخي شنو قصتك...والحسين أني فدوى
وهذا تلفون زينب بت خالتي

هو سكت...وانوب غلق الخط...

شويه ورجع أتصل...الفضول موتني أريد أعرف شيريد...فتحت عليه الخط
كال :- منو ويايه...؟؟

كتله :- اني فدوى بت الشهيد علي
وهذا تلفون زينب بنت خالتي

كالي :- هاي زينب بنت خالتج وين هسه
ليش ما ترد على الخط...؟؟؟