( Unicode)
" ဟာ.... နောက်ကျနေပြီကွာ "
သီဟမင်းထင် ယနေ့တွင်တော့ကျောင်းနောက်ကျ၍ ပျာယာခတ်နေ၏။
ကျွန်တော်မနေ့ညက လင်းမြတ်မင်းခန့်ဆိုသောလူကြီးကြောင့် တော်တော်ညနက်မှအိပ်ပျော်သွား၏။ညနက်တဲ့အထိ
စောင့်တာတောင် ထိုလူကြီးက ကျွန်တော့်အားဖုန်းမဆက်။
ညနက်မှအိပ်ပျော်တော့ မနက်နိုးတာတဲ့အချိန်က ၇ နာရီခွဲ။မြန်မြန်လုပ်ပါသော်လည်း ကျောင်းသွားဖို့ ပြင်ဆင်ပြီးချိန်မှာ ၈ နာရီပင်ခွဲတော့မည်ဖြစ်၏။ ထို့ကြောင့် ကျွန်တော် မနက်စာတောင်မစားနိုင်ဘဲ ကျောင်းသို့သာအပြေးသွားရ၏။
တော်ပါသေးတယ် သူအတန်းထဲရောက်ပြီးမှ ဆရာအတန်းထဲဝင်လာလို့။
တော်တော် ဒုက္ခပေးတဲ့လူကြီး။
ထိုလူကြီးသည် ကျွန်တော့်အားမနက်ကလဲဖုန်းမဆက်ပါ။ခါတိုင်းဆိုလျှင် ထိုလူကြီးက မနက် ၇ နာရီထိုးခါနီးတိုင်းဖုန်းဆက်လေ့ရှိ၏။ဒီမနက်တော့ ကျွန်တော့်ဆီဆက်မလာခဲ့ပါ။ ပြီးတော့ကျောင်းသို့လဲလာမတွေ့ပါ။ခါတိုင်းကျွန်တော့်အားလာတွေ့ပြီးမှ ထိုလူကြီးသည်အလုပ်သွားလေ့ရှိသည်။ဒီနေ့တော့ရောက်မလာပါ။
( ဘာလို့မလာတာလဲ။ဖုန်းလဲမဆက်ဘူး။ဘာဖြစ်နေတာလဲကွာ ဒီလူကြီး။ငါလဲဘာမှမလုပ်မိပါဘူး။အစုတ်ပလုတ်လူကြီး ဘာမှန်းလဲမသိဘူး။အကျင့်ကိုမကောင်းဘူး။တစ်သက်လုံးအဖြေမပေးပဲကိုထားလိုက်ဦးမယ်။အကျင့်ပုတ်ကြီး)
ကျွန်တော်ထိုလူကြီးအား စိတ်ထဲ၌ ပြောဆိုနေလိုက်၏။ကျွန်တော်တွေးနေချိန် ဆရာကစာစသင်နေပြီဖြစ်၍ ကျွန်တော် ထိုလူကြီးအကြောင်းဆက်မတွေးတော့ဘဲ စာသာအာရုံစိုက်နေလိုက်၏။
-------------------------------------------------
" ဟဲ့ သီဟမင်း နင်ဘာလို့ ကျောင်းနောက်ကျနေတာလဲ "
ကျောင်း canteen တွင်မုန့်စားနေချိန်
နှင်းသက်မှ မေးလာ၏။
" အိပ်ရာထတာ နည်းနည်းနောက်ကျနေလို့ "
" အော် "
" ဟျောင့်..မင်းသိပြီးပြီလား "
ရှင်းမြတ်က အစမရှိအဆုံးမရှိမေးလာ၏။
YOU ARE READING
တွဲလက်ကလေး မြဲစေလို( Complete)
Romanceဘုရင့်အနွယ်တော်မှ ဆင်းသက်လာသော သီဟမင်းထင်ဆိုသော အနေအေးပြီးသူအားလာထိပါးရင်တော့ငြိမ်မခံတတ်တဲ့ အစွာကောင်လေးနှင့် လင်းမြတ်မင်းခန့်ဆိုသော ရေခဲတုံး high boss ကြီးတို့ ရဲ့ အချစ်ဇာတ်လမ်းပါ။ uke က strong ဖြစ်တဲ့ ပုံစံမျိုးပါ။ ...
