( Unicode)
ကျွန်တော်တို့ shopping center ရောက်သည်နှင့် မုန့်အရင်စားကာကလေးအတွက်ပစ္စည်းများဝယ်ရန်ထွက်လာခဲ့ကြသည်။ဟိုနေ့က မယ်မယ်တို့ကအဝတ်အစားများဝယ်လာခဲ့၍ အဝတ်အစားတော့မလိုတော့ပါ။သို့သော်နှင်းသက်ကတော့ သူ့စိတ်ကြိုက်အဝတ်အစားများအားဝယ်နေလေသည်။ ထက်မြတ်နှင့်ရှင်းမြတ်ကတော့ ကလေးအတွက် နို့ဘူးတွေ ကစားစရာတွေဝယ်နေလေသည်။
" သားသားလေးက အချစ်ခံလေးပဲ "
ကိုကပြုံးကာပြောလာသည်။
" အင်း...ဟုတ်တယ် "
" ကိုသီဟ ဒီမှာကြည့် ချစ်စရာလေး ချစ်မဝလေးနဲ့ဆိုလိုက်မှာပဲ "
မြူက ကလေးဝမ်းဆက်ဝတ်စုံရဲရဲလေးအားယူလာကာပြသည်။ကလေးလေးက အသားဖြူတော့ မြူပြသည့်ဝတ်စုံလေးနှင့်အတော်လိုက်လောက်သည်။
" ဟုတ်သားပဲ....ချစ်စရာလေး "
ကျွန်တော်ပြုံးကာပြောလိုက်သည်။
" မြူဒါလေးဝယ်လိုက်မယ်....ပြီးတော့မိုးပြာလေးရယ် အဝါလေးရယ်လဲဝယ်လိုက်မယ် ချစ်မဝလေးနဲ့က ဘယ်ဟာနဲ့မဆိုလိုက်တယ် "
မြူက ပြုံးရွှင်ပြီးတက်ကြွစွာပြောလာသည်။ကလေးလေးက တကယ်ကို အချစ်ခံလေး...
" တစ်စုံဆိုရပါပြီ မြူရယ် "
" ဟီး...မြူကဝယ်ပေးချင်လို့ပါ "
" ဟုတ်ကဲ့ပါဗျာ "
ကျွန်တော်ပြောလိုက်တော့မြူက ပြုံးပြကာ ပြန်သွားပြီးအဝတ်အစားများအား တစ်ထည်ပြီးတစ်ထည်လိုက်ဖြုတ်နေလေသည်။
" ဟွန့်...ကြည့်နေလိုက်တော့ တစ်နေ့လုံး "
ဘေးက လူကြီးက ဆူအောင့်အောင့်ပြောလာသည်။မျက်နှာကလဲဆူပုတ်နေတာပဲ။ရီချင်စရာ...
" ဟွန်း.. "
" ဘာရီတာလဲ "
ကျွန်တော်ဘရီလိုက်တော့ ဘောက်ဆတ်ဆတ်ဖြင့်မေးလာသောလူကြီး။
" ဘာမှမရီပါဘူးဗျာ....ကြည့်လဲမကြည့်တော့ပါဘူးဗျ ဒီကကျွန်တော့်ချစ်သူကြီးကိုပဲကြည့်ပါတော့မယ်နော် "
ကျွန်တော်ပြောလိုက်တော့ လူကြီးက ပြုံးစိစိ ဖြစ်သွားသည်။
တကတည်း..ပြုံးချင်နေတာများမပြုံးပဲနဲ့။
YOU ARE READING
တွဲလက်ကလေး မြဲစေလို( Complete)
Romanceဘုရင့်အနွယ်တော်မှ ဆင်းသက်လာသော သီဟမင်းထင်ဆိုသော အနေအေးပြီးသူအားလာထိပါးရင်တော့ငြိမ်မခံတတ်တဲ့ အစွာကောင်လေးနှင့် လင်းမြတ်မင်းခန့်ဆိုသော ရေခဲတုံး high boss ကြီးတို့ ရဲ့ အချစ်ဇာတ်လမ်းပါ။ uke က strong ဖြစ်တဲ့ ပုံစံမျိုးပါ။ ...
