( Unicode)
ကျွန်တော် ဒီနေ့ လူကြီးနှင့် သွားတွေ့ရန်ရှိသည်။ မနက်က တွေ့ရအောင်ဆိုကာ အချိန်နဲ့နေရာကို message ပို့လာသည်။ဘာလို့တွေ့ချင်ပါလိမ့် အပြတ်ဖြတ်ဖို့များရည်ရွယ်နေလေသလား။
ထိုသို့တွေးလိုက်တော့ မျက်လုံးက
ဝေဝါးလာသည်။
အင်းပါလေ....လူကြီးသဘောပေါ့ လမ်းခွဲဖို့ပြောတော့လဲ ဆွဲမထားပါဘူး။ဒါပေမဲ့ ဆက်တော့ချစ်နေမှာပါ။လူကြီးကို ကျွန်တော့်နှလုံးသားတစ်ခုလုံးနဲ့ရင်းပြီးချစ်ခဲ့တာမို့ နောက်တစ်ယောက်ဆိုတာလဲ ကျွန်တော့်ဘဝမှာမရှိနိုင်တော့ပါဘူးဗျာ။
ခုတော့ ကိုချိန်းဆိုထားသော ဆိုင်သို့သာသွားလိုက်ပါသည်။ကိုဘာပဲပြောပြောပါလေ။
ဆိုင်ရောက်တော့ လူကြီးက ဆိုင်ရှေ့မှာ ကျွန်တော့်အားစောင့်နေသည်။
" ဘာကိစ္စရှိလို့လဲ "
ကျွန်တော်မေးလိုက်တော့ လူကြီးကပြုံးသည်။
" ပြစရာရော ပြောစရာရောရှိလို့
လာကိုယ့်နောက်လိုက်ခဲ့ "
လူကြီးက ကျွန်တော့်လက်အားကိုင်ကာ ဆိုင်ထဲသို့ခေါ်လာသည်။VIP ခန်းတွေဘက်ရောက်တော့ အခန်းတစ်ခန်းရှေ့တွင်ရပ်လိုက်ကာ
" အထဲမှာဘယ်သူရှိလဲလို့ကြည့်လိုက်ပါဦး "
လူကြီးက ပြောကာတံခါးဆွဲဖွင့်လိုက်သည်။
" ဟင် မြူ "
အခန်းထဲမှာတွေ့လိုက်ရတာက မြူနှင့် လူကြီး၏အမေ ပိုက်ဆံအုပ်လိုက်ကလဲ စားပွဲပေါ်မှာအထင်းသား။ဘာတွေလဲ။မြူကလဲ တွေ့နေကျနှင့် ကွဲလွဲစွာ မြန်မာဝတ်စုံနှင့်မဟုတ် ခပ် hot hot ခပ်ရိုင်းရိုင်းဝတ်စားဆင်ယင်ပုံနှင့်ပင်။
ကျွန်တော်တို့အားတွေ့တော့ အံသြသွားသည့်ပုံပင်။အံသြတာထက် လန့်သွားတာဆိုပိုမှန်လိမ့်မည်။
" သား "
" ဟုတ်ကဲ့ မေမေကျွန်တော်ပါ ခုက
ဘာလုပ်နေတာလဲဆိုတာ ပြောပြလို့
ရမလား "
" ဟို..ဟို ဒါက "
" မြူ့ကိစ္စမရှိတော့ဘူးဆိုတော့ ခွင့်ပြုပါဦး "
YOU ARE READING
တွဲလက်ကလေး မြဲစေလို( Complete)
Romanceဘုရင့်အနွယ်တော်မှ ဆင်းသက်လာသော သီဟမင်းထင်ဆိုသော အနေအေးပြီးသူအားလာထိပါးရင်တော့ငြိမ်မခံတတ်တဲ့ အစွာကောင်လေးနှင့် လင်းမြတ်မင်းခန့်ဆိုသော ရေခဲတုံး high boss ကြီးတို့ ရဲ့ အချစ်ဇာတ်လမ်းပါ။ uke က strong ဖြစ်တဲ့ ပုံစံမျိုးပါ။ ...
