( Unicode)
" ဟိုကောင်လေး ကျောင်းသွားမှာမလား ကလေးရောခေါ်သွားမလို့လား "
ကျွန်တော် ကျောင်းသွားရန် ပြင်ဆင်ပြီး
သားလေးအားချီကာထွက်လာတော့
ဧည့်ခန်းတွင်ထိုင်နေသော လူကြီးအမေက လှမ်းမေးသည်။
" သားလေးကို မယ်မယ်တို့အိမ်မှာထားခဲ့မှာဗျ "
" ဒီအိမ်မှာထားခဲ့တော့ရော ဘာဖြစ်သွားမှာမို့လို့လဲ "
" ဟို...ကျွန်တော်က အန်တီတို့ အလုပ်ရှုပ်မှာစိုးလို့ပါ "
" ဘာမှအလုပ်မရှုပ်ဘူး ငါလဲအလုပ်မသွားဘူး ထားခဲ့လိုက် "
" ဟုတ် "
ကျွန်တော်သားလေးအား လူကြီးအမေ လက်ထဲထည့်ပေးလိုက်သည်။
" သားလေးရေ ဖေဖေသွားပြီနော် တာ့တာ "
ကျွန်တော်ပြောတော့ သားလေးက ရီပြနေသည်။
" ကျွန်တော် သွားပြီဗျ "
" အင်း "
ကျွန်တော် လူကြီးအမေအားနှုတ်ဆက်ပြီး ကျောင်းသို့ဦးတည်ခဲ့လိုက်သည်။
လူကြီးအမေက ကျွန်တော့်ကို ဘာမှပြဿနာမရှာပါ။သားလေးကိုတောင် ကူထိန်းပေးနေသည်။ကြည့်ရတာ နည်းနည်းတော့ အမြင်ကြည်လာပြီထင်တယ်။
--------------------------------------------------
" ရှင်းမြတ် မင်းအစ်ကိုမင်းသူအောင်နဲ့
ဘာဖြစ်ထားတာလဲ ဖန်ခွက်နဲ့ပေါက်လိုက်တယ်ဆို "
" မပြောချင်ပါဘူးကွာ........
အဲ့လူကြီးကိုက အချိုးမပြေတာ
ငါတို့တွေ့ဖို့လုပ်ထားတိုင်း အမြဲနောက်ကျတယ်ကွာ အဲ့တာအလုပ်များနေလို့ ထားပါ ငါခွင့်လွှတ်ပေးတယ်ကွာ
ဒါပေမဲ့ စိတ်ဆိုးရင်တော့ ချော့သင့်တယ်မလား ငါစိတ်ဆိုးတိုင်း မုန့်ကျွေးမယ် မုန့်ကျွေးမယ်နဲ့ ငါကအငတ်ကြီးလား....ပြီးတော့ ရှိသေးတယ် ငါစိတ်ဆိုးတဲ့နေ့က ထွက်သွားလို့ပြောတော့ ထွက်သွားတယ်ကွာ၊ အဲ့နေ့တစ်နေ့လုံး ငါ့ကို message တစ်စောင်တောင်မပို့ဘူး။နောက်နေ့တော့ မုန့်တွေတစ်ပွေ့တစ်ပိုက်ကြီးနဲ့ ရောက်လာပြီးတော့ မုန့်တွေချပေးပြီး စိတ်မဆိုးနဲ့နော်ညီ လို့ပြောပြီး ဖုန်းလာလို့ ဖုန်းပြောနေတာ နာရီဝက်ထက်ကြာတယ် ငါ့ဘေးမှာထိုင်ပြီးအလုပ်အကြောင်းလောက်ပြောနေတာလေ။ငါ့ကိုရှိတယ်တောင် မထင်ဘူး ဖုန်းပြောနေရင်းက ဟုတ်ပြီအစ်ကိုခုလာခဲ့မယ်ဆိုပြီး ထွက်သွားတာလေ ငါက ကိုမင်းသူအောင်လို့ခေါ်လိုက်မှ အခန်းဝကနေပြန်လှည့်ကြည့်တာ ငါ့လဲ စိတ်ပေါက်ပေါက်နဲ့ ဖန်ခွက်နဲ့လှမ်းပေါက်လိုက်တာ။ပြီးတော့လဲလေ........... "
YOU ARE READING
တွဲလက်ကလေး မြဲစေလို( Complete)
Romanceဘုရင့်အနွယ်တော်မှ ဆင်းသက်လာသော သီဟမင်းထင်ဆိုသော အနေအေးပြီးသူအားလာထိပါးရင်တော့ငြိမ်မခံတတ်တဲ့ အစွာကောင်လေးနှင့် လင်းမြတ်မင်းခန့်ဆိုသော ရေခဲတုံး high boss ကြီးတို့ ရဲ့ အချစ်ဇာတ်လမ်းပါ။ uke က strong ဖြစ်တဲ့ ပုံစံမျိုးပါ။ ...
