( Unicode )
လူကြီးသည် အိမ်ပေါ်ကဆင်းလာကတည်းက နေစရာမရှိဟုဆိုကာ ကျွန်တော့်အိမ်တွင်သာနေသည်။မြို့ပြင်နားကအိမ်က သူ့အိမ်မဟုတ်တဲ့အတိုင်းပဲ။
အိမ်မှာအခန်းတွေ အများကြီးရှိရဲ့သားနဲ့ တစ်ယောက်တည်း မအိပ်ရဲဟုဆိုကာ
ကျွန်တော့်အခန်းထဲ၌သာ လာအိပ်လေ့ရှိသည်။ဘာတွေ မအိပ်ရဲဖြစ်နေသည်တော့ မသိ။
" အင်းး..ကလေး ကလေးရေ "
နိုးလာတာနဲ့ ကျွန်တော့်အားအရင်ဆုံးခေါ်နေသည်။
" အော်မနေနဲ့ ဒီမှာသားလေးကိုအဝတ်လဲပေးနေတာ "
သားလေးအား အဝတ်လဲပေးရင်ပြန်ပြောလိုက်တော့ လူကြီးက ဆူပုတ်ပုတ်နှင့် ထထိုင်ပြီး ကျွန်တော့်အား မကြည်သလိုကြည့်လာသည်။ဘာလဲ..ကျွန်တော်လဲဘာမှမလုပ်မိပါဘူး။ပြန်စိုက်ကြည့်ပေးလိုက်တော့...
" ဟွန့်...စိတ်ဓာတ်ပဲ "
ဟောဗျာ စိတ်ဓာတ်ပဲဟုပြောကာ
ဆောင့်ကြီးအောင့်ကြီးဖြင့် ရေချိုးခန်းထဲဝင်သွားသည်။ဘာမှလဲမလုပ်မိပါပဲနဲ့။
" ဖေ...မန် "
သားလေးက ကျွန်တော့်လက်ညှိုးလေးအား ဆွဲကာ မန်ဟုပြောလာသည်။ ချစ်စရာလေးကွာ။သားလေးက ခုဆို ထမင်းစားနိုင်နေပြီဖြစ်သည်။ သားလေးအတွက်တော့ နည်းနည်းပျော့
ပျော့လေးချက်ပေးရသည်။ပြီးတော့ ဖေလို့လဲခေါ်တတ်နေပြီ။ကျန်တာတော့ ဘာမှ သိပ်မပြောတတ်သေးပေ။
" အော်..ကလေးလေးက ဗိုက်ဆာနေပြီပေါ့လေ ဖေဖေတို့အောက်ဆင်းကြမယ်နော် "
ကျွန်တော် သားလေးအားချီပြီး အောက်ထပ်ဆင်းကာ မနက်စာကျွေးလိုက်သည်။ပြီးမှ သားလေးနဲ့ ခနကစားပေးကာ သားလေးအား အေးမြနှင့်ထားခဲ့ကာ အပေါ်ပြန်တက်ရသည်။လူကြီးက ကောက်နေသည်မလား သွားချော့ရပေဦးမည်။
ကျွန်တော် အခန်းတံခါးဖွင့်မည်ပြင်တော့ တံခါးကပွင့်လာသည်။လူကြီးက ဝတ်စုံပြည့်နှင့် ရုံးသွားဖို့တောင် အဆင်သင့်ဖြစ်နေပြီဖြစ်သည်။
" ပြင်ပြီးပြီပေါ့ "
" အင်း..သွားပြီ "
ကျွန်တော့်အား ဆူပုတ်ပုတ်ဖြင့်ပြန်ဖြေကာ ကျွန်တော့်အားကျော်ပြီး အောက်ထပ်ဆင်းသွားသည်။ကျွန်တော်လဲ လူကြီးနောက်သာလိုက်ရသည်။
YOU ARE READING
တွဲလက်ကလေး မြဲစေလို( Complete)
Romanceဘုရင့်အနွယ်တော်မှ ဆင်းသက်လာသော သီဟမင်းထင်ဆိုသော အနေအေးပြီးသူအားလာထိပါးရင်တော့ငြိမ်မခံတတ်တဲ့ အစွာကောင်လေးနှင့် လင်းမြတ်မင်းခန့်ဆိုသော ရေခဲတုံး high boss ကြီးတို့ ရဲ့ အချစ်ဇာတ်လမ်းပါ။ uke က strong ဖြစ်တဲ့ ပုံစံမျိုးပါ။ ...
