اليتامى ومرت باباهم ..قصة فريدة

3

#هنا_نحكي_حكايتي
#فريدة
#الحلقة_3: ( بالرغم انكم ملحقتوش شرط بصح ندلكم خاطركم )........
المهم قلتلكم الاستاذة جات داتني من الكلاصة ورحنا للدار كي وصلنا صبت يما تفتل في وحد الشكارة تاع طعام خليت الاستاذة فالحوش برا تستنا ...قاتلي يما جيتي بكري قتلها ايه جيت مع استاذتي ..نخلعت ناضت تجري .(.شفتو وحد كي ميكونش قاري و كيفاش يشوف وحد قاري ) ..ناضت تجري خرجت ليها و بدات تقول للاستاذة سمحيلي ابنتي خلاتك تستناي برا دخلي دخلي ...دخلت الاستاذة وبقات تشوف فالدار ...دخلنها لشومبرتنا وين نرقدو انا وخاوتي راحت يما طيب فالقهوة ...قاتلي روحي قولي ليماك جيبه كحل ( كانت عارفة بلي مكان والو عندنا مبغاتش تكلفنا و في نفس الوقت بغات تدي الفرصة باه تشوف درانا وتزيد تتعرف علينا كثر  ). ..المهم قعدت تشرب فالقهوة قاتلي يما ا فريدة بصح علاه مقلتيليش بلي راكي جاية مع شيختك ...نطقت الاستاذة قاتلها لا لا ا خالتي حتى هي ومكانتش عارفة قاتلها جيتك في وحد الموضوع كيما تعرفي ربي راه كارمنا من فضلو و مخصنا والو وكل اسبوع رانا نلمو شي لي كتبو ربي ونزورو عايلة من العايلات تاع تلاميذ المتفوقين و نهدوهم هذاك المكتوب و من القوانين لي نتمشاو ببهم هوما انا نسلمو الجائزة للوالدين تاعهم وبنتك الحمد لله راهي لولا فالكلاصة و الهدية كانت من ناصيبها وبغيت نقلك يا خالتي راهي عندك طفلة مشاء الله وهنيئا لكم عليها ...ماتت يما بالفرحة وانا كي شفتها هاكك فرحت بصح كي تفكرت عاودت يأست ....المهم كي جات خارجة مدتلها وحد المبلغ في قطعة تاع قماش  لي حد الان والله ما عرفتو شعال .....المهم وصلتها لاري تاعنا قتلها يا استاذة بصح هذوك دراهم لي عطيتهملها والله ما تروح بيهم لطبيب قتلها ضروك تشريهملنا ماكلة ..قاتلي هذا الموضوع خليه عليا متخميش ...رجعت انا لدار قاتلي يما هذي الجائزة صح كاين منها ..كي شغل فاقت وحد الشوية بصح قنعتها ....سقسيتها على الشكارة تاع طعام قتلها تاعمن هذي قاتلي الفلانية جبتهالي قاتلي فتليهالي و نخلصك....( هذيك لحظة كرهت ضعفي و كرهت عجزي ماصبتش قاع شا ندير و حسيت روحي مكتفة) كيفاش يما مريضة وتخدم و انا نشوف فيها تذوب نهار بعد نهار ....غدوا من ذاك رحت معمرة لسيام و قبل ما ندخلو رحت لقاعة الاساتذة نحوس على الاستاذة باه نقلها لازم متتخلاش عليا ..كي عاودت حكيتلها على شكارة تاع طعام قاتلي شوفي يسموك ضروك ترجعي لداركم و تجيبي والي امرك قتلها ااا ستاذة بص.....قاتلي ششششش ولا كلمة ضروك يعني ضروك عندك ساعة في يدك ...رحت ليه و انا نبكي ياربي واش كاين انا علاه عليا نتحمل هذا الشي في هذ السن ...رحت لبلاصتو وين يخدم   كي وصلت شفت وحد المنظر مزال لحد لان لاسق في ذهني .........#تصبحو_بخير.....