#صفحة_هنا_نحكي_حكايتي
#فريدة
#الحلقة_30
قلتكم خدمت ذيك لخطة لدليلة عبر ما يتصالح كريم مع بويي برك ....المهم وحد الخطرة بالجمعة ديت لبنات و رحت للقبر وكي رجعت (ايه محكيتلكمش نجلى و كلتوم كبرو وبداو كيما البوبيات مشاء الله عليهم ) ..ليصونصيال كي رجعنا صبت صباط كريم خويا عند الباب وسمعناه يهدر مع دليلة مجمعين ...رحنا نجرو ليه و قتلناه بالتعناق متامنوش عقولكم شا توحشناه بداينا نبكو كيما ذراري الصغار ...وبحال صبنا فريدة حاطتلو الفطور ودايرة روحها زاهية ( في قلبي قلتلها مدام ضربتي المناقش علاه متزهايش قتلها ني جايك متخميش ) ...ليصونصيال قعدنا نسقسو فيه بصح مسكين جا مخلي بزاف من سطاج وزيد بلا دراهم مكانوش يخلصوهم ....ديتو لشومبرتي باه ناخذو راحتنا ... قلي ني خايف بابا ..قتلو قاع متخافش وحكيتلو القصة ...بصح زعف قلي علاه عطيتلها المناقش تاع يما هذوك حقك وحق خوتاتك .....قتلو متخممش قبل ما تروح لخدمتك تشوفني دايرتهم في وذني ...ليصونصيال جا بابا وهدر معاه عادي وبقاو مجمعين نورمال ومجبدوش قاع فالسوجي تاع السلسلة باسكو بابا حشم و عرف روحو بلي كان ظالم مدام دليلة كذبت عليه ...وحد الخطرة فليل درت عشا كامل للعايلة بقينا نتعشاو ومن بعد دليلة راحت لشومبرتها لحقتها ...قعدت معاها قتلها شوفي من تالي تعطيني المناقش ضروك صينو تشوفي حاجة متعجبكش جات تعرشلي ..قتلها سسسسسسس اصبري نكمل هدرتي ....قتلها السلسلة انا سرقتها .......ماوفهمت والو ...قاتلي كيفاش .؟.....قتلها كيما سمعتي ..و انتي راكي قايلة لبابا بلي صبتها مك وراهي عندها ...ضروك نجيبو ونقلو انا ديتها و بعتها و كنت نصرف بدراهما والكسوة لي كنت نلبسها هذاك العام ماشي كريم كان يعطيلنا كنت نشري من دراهم السلسلة ..بصح السؤال لي يجي في راس بابا انتي علاه كذبتي عليه وقلتيلو راهي عند يما ؟ ... واش تقليلو كي يقلك جيبيها اه؟ ...قاتلي نقلو انا ثان بعتهاة.....قتلها وينت بعتيها و انت ملي كذبتيها على بابا مرحتيش لداركم ..ويماك مهيش سامعة اصلا بحكاية السلسلة والمناقش لي عطيتهملك تخيلي يديك ويقابلك ويماك مهيش عارفة ومكيش متفاهمة معاها اصلا ....ويقلك علاه كذبتيها عليا وتقوليلي بلي السلسلة راهي عند يما واش هي الحاجة لي خلاتك تكذبي ...سكتت وبدات حالة فمها فيا ...قتلها ثم انا نجاوبو و نخبرو بالمناقش بلي شريتك بيهم باه تكذبي عليه ....قتلها وحد من زوج ...تعطيني مناقشي اللهم بارك ...متعطيهمنيش هنا نفضحك و نفضح روحي ...وفي كلتا الحالتين المناقش رايحين يابنو ويرجعو ليا ....ويضربني نورمال باسكو والفت ....بصح انتي مهيش مليحالك ...ورحتي في كيلو زيت ....املا اعطيهمني برضايتك وتبقا صورتك مليحة قدام بابا كيما راه شايفك ....خيرمن نخبرو ويجي يقلب شومبرة ويصيبهم .........قاتلي روحي خبريه (بغات تحشيهالي كي نروح تخبيهم مليح ) ...قتلها ننننن تستس ضروك تجيبيهم ما نخرجش ..والله نعيطلو ...ازربي جبديهم ...رحت بكل ثقة جبدتهم وعطاتهمني ...و قاتلي مزال ليام بيناتنا ويا انا يا نتي في هذ الدار ..قتلها دزي معاهم ..مدام خويا راه خدام وبشهرو حاجة متخوفنيش وزيد مطولين و مقصرين مناش رايحن نقعدو في هذ دار طول حياتنا ......درتلها باي ورحت .....#يتبع ........
YOU ARE READING
اليتامى ومرت باباهم ..قصة فريدة
Short Storyعندما تتعرض البراءة الى اغتصاب حقوقها ...وعندما تغيب الرحمة من افئدة البشر ...وعندما يكشف عرينك لصاحب و الغريب ستكون النتيجة #فريدة ......فريدة قصة فتاة جار بها زمن لتجد نفسها في غيابات المجتمع الظالم و المظلم .فريدة قصة فريدة من نوعها ..لم تأبى الا...
