#صفحة_هنا_نحكي_حكايتي
#فريدة
#الحلقة_19
بعد هذيك ليلة تاع زواج بويي نضت صباح بكري باه نروح للمقبرة باسكو لقيتها الجمعة ايا كي رحت للكوزينة صبت مرت بابا (دليلة) مطيبة القهوة و الخبيز و القاطو ..نخلعت ..المهم قتلها صباح لخير ردتلي نورمال وقعدتني و فرغتلي القهوة وعارفتني بلي رايحة للمقبرة قاتلي وجدتلك الصدقة بغيت نروح معاك بصح الله غالب مرة لجاية ....ديت ذيك صداقة وديت كلتوم ورحت نمشي ونخمم فيها وبانتلي انسانة مليحة ...المهم رحت للقبر حكيت كلش ليما حنونتي ...ورجعت لدار صبتها مخملة و مسيقة و مخرجة الفراش برا ودايرة الفطور .....ليصونصيال دار رجعتها على الشريعة ....وسقستنا قتلنا لا نحطلكم الفطور ...فطرنا ...وقعدت هي دور ......كل ما نجي نتوشي حاجة تقولي لالا خلي خلي انا نخدمها ...مبديتش قاع نخدم وبديت لاهية مع قرايتي وبدينا عايشين عادي وبابا بدا خدمتو ليلة لي يبات فيها فالخدمة دليلة تدي كلتوم ولا نجلى يباتو عندها فالشومبرة .....واش نقلكم حياة عادية و تجمعنا تسقسينا نورمال ......المهم بابا كي كان يخدم ليلتو يجي صباح يجيب معاه السقايط والحلوى ساشي لينا و ساشي ليها ..كل يوم هاكا ...وبدا المعلم تاعو يحن عليه كل خطرة واش يعطيلو ...كي بقات سمانة لرمضان قتلنا دليلة نروح لدارنا نقعد يمات و نجي ..قلها بابا روحي ....قعدت يمات راح جابها بابا وجا كي دخلت راحت نيشان حطت قشها وحد القضيان في شومبرتها ...راحت نجلى تجري ليها و اتوماتيك راحت نيشان للقضيان ( طفل يجي ساقط اكم تعرفو ) ...انا بديت فالحوش حطة طابلة و نكتب .....حتى سمعتها قتلها .....حطي من يديك هذي قاع مهيش عادة تجي تقلبي صالحة مهيش تاعك قلة التربية ......نخلعت و نضت نجري صبت نجلى خارجة و خايفة ....قتلها ااا لالة هذ الكلام لمن موجه ...قاتلي لختك ...قتلها من نيتك ..قاتلي ايه تقول قاع ماشفتش في حياتها ......مرديتهلاهاش كامل ....قتلها صحا ......ماشي مشكل و سمحيلنا ...ديت نجلى ورحت للحوش قعدت زادو خاوتي جاو مداورين بيا نقري فيهم ....وبقات حاصلتلي في قلبي ......و مدبزتهاش غير في جال خاوتي .....قعدنا وحد شوية حتى جابت طبسي تاع القاطو وجات تعوج في روحها ...وتقول هاااااني جبت لبنتي نجلى القاطو علبالي تبغي سقايط .....جات نجلى تشدو و نخطفولها من يدها قبل ما تشدو و نوض نضربو بركلة طبسي راح في جيهة و القاطو في جهة .........#تصبحون_بخير......لسا ما شفتو شي ..........
YOU ARE READING
اليتامى ومرت باباهم ..قصة فريدة
Short Storyعندما تتعرض البراءة الى اغتصاب حقوقها ...وعندما تغيب الرحمة من افئدة البشر ...وعندما يكشف عرينك لصاحب و الغريب ستكون النتيجة #فريدة ......فريدة قصة فتاة جار بها زمن لتجد نفسها في غيابات المجتمع الظالم و المظلم .فريدة قصة فريدة من نوعها ..لم تأبى الا...
