اليتامى ومرت باباهم ..قصة فريدة

20

#صفحة_هنا_نحكي_حكايتي
#فريدة
#الحلقة_20
قتلكم بعدما بهدلت نجلى ختي بهذيك طريقة انا لي غاضتني علاه طارت عليها هاكك كون جابتهالها غير بلعقل بلا ما تزقي عليها ..ليصونصيال لحقتنا بطبسي تاع قاطو كي جات تمدو لنجلى خطفتولها ونضت ضربتو بركلة القاطو راح في جيهة وطبسي راح في جيهة ...قتلها شوفي قاع نورمال بصح باه تقولي علينا ماشي متربيات والله ما نقبلها احنا مزلنا صغرات بصح يما رباتنا على شريعة ...وعيب عليك تهدري و تنصحي طفلة كيما نجلى بهذ طريقة كنتي قادرة تجبديها وحدها و تعطيلها واش حابة و تفهميها ..قاتلي سويتو القاطو ...قتلها كون مسوينهاش منقيسوش لايميه و زيدي في روحك ...راحت وخلاتو كيما راه ....حتى دخل بابا صبو متزربع عند الباب ..قلي تاعمن هذ القاطو واش كاين ..انا سكت حتى هي قابلاتو عند الباب تاع شمبرتها ودارت يديها في جنابها ...قتلو سقسيها سقسيها ...قلي شا كين ا فريدة ...مهدرتش انا ..قتلو نقلك ....شاف فيها ...قاتلو ديتلهم طبسي تاع قاطو بعثتولهم يما ....ناضت لالة فريدة و ضرباتو بركلة .......قلي صح ...قتلو سقسيها علاه درت هاكا ..قلها علاه ...قاتلو كي جيت من دارنا نجلى جات تجري من موريا و خطفتلي الساشي و بقات تقلب فيها ...قاتلو فكيتهالها و قتلها لالا بنتي ماشي هاكا قاتلو انا قصدي نعلمها ...بقيت نشوف فيها و حالة فمي ...قتلها حلفي غير هذا ما قلتيلها ...بدات تبكي قاتلو شفت شفت طفلة صغيرة تحلف فيا ......انا نخلعت ..بديت نقول لنجلى ..قوليلو شا قاتلك ..قوليلو .....نجلى خافت مبغاتش تهدر ...طحت في موقف لا يحسد عليه قدام بابا ......قلي لالا افريدة ها مالكي هذي راهي عوض يماك ...رجعوني انا لغالطة ...راح دخل لشومبرتو وقلها لحقيني ...سمعتو يقلها ساعفيهم و مزالو صغار .....فات هذا نهار هي مشنفة و انا منيش قاع سامع بيها ......ليصونصيال وحد نهار رحت نقرا كي جيت لعشيا صبت شكاير محزومين و محطوطين برا عند وحد الدالية ....رحت بكرطابي نيشان نفتح فيهم نشوف واش فيهم انا مين فتحتهم وانا صبت قش يما الله يرحمها بدعياتها و روباتها وصولحها ...............#يتبع .......