اليتامى ومرت باباهم ..قصة فريدة

27

#صفحة_هنا_نحكي_حكايتي
#فريدة
#الحلقة_27
ضربني بويي بصفعة على جال دراهم تاع خويا كريم بصح فرغت قاع واش كاين باه نريح هدرت كامل الهدرة لي لازم تنهدر .......فات عام وبديت نتلاقا بخويا بالسرقة مكانش قاع يجي لدار ...كنت نتلاقاه يعطيني دراهم تاع الكسوة وبابا يصرف علينا غير حاجة تاع ماكلة ...ومرت بابا زارت قاع الاطباء و العشابين باه ترفد الكرش بصح قلولها راكي كببرة ضروك تبقى عند ربي سبحانو .....مرفدتش ....وانا كان عندي الباك و خوتاتي طلعو لدوزيام سيام وبدينا نقراو عادي طيحة ونوضة ........فوت الباك و الحمد لله جبتو بصح غير ب 10 الباك كان صعيب بزاااف و زيد نخلعو كي جبتو كنت تحت المستوى هذاك العام  ....وخوتاتي طلعو لسنة ثالثة و كان عندهم شهادة تعلين المتوسط ......واش نقلكم بديت نروح للجامعة بصح كنت نشوف العذاب لي مفوقوش مكنتش نلحق كامل بسكو الجامعة بزاااااااف بعيدة وكامل لي كانو يقراو معايا كانو دايرين اقامة من غير انا برك ...منقدرش نبات ونخلي لبنات وحدهم ....بديت نلهف لهيف ......والحمد لله ياربي لي عطنا ربي اخ عوضنا كلش بالرغم انو دراهمو قلال بصح مكانش مخلي علينا وسرتو انا ......ولحق الوقت لي راح فيه للعسكر مسكين ....جا ليا للجامعة اعطني كسوتو هذيك الموسخة لي كان يزوفري فيها ..قلي اغسليهالي وجيبهالي باسكو قبلوني فالعسكر من جهة غاضني و من جهة فرحتلو باه يروح يدرق راسو واوما يولي عندو شهرية ثابتة ....رحت انا غسلت هذوك الكسوة و مرحتش للجامعة على جالو ...بساكو بديت نشف فيها بسرقة باه ميشوفهاش بابا  ..ااه يا لبنات شعال تعذبت شعال من جاست صراتلي ماشي غير هذي .....المهم غسلتهم نشفتهم وصنعتلو حبات قاطو ...وغدوا من ذاك جيت خارجة صباح بكري ودايرتهم في كرطاب تاعي باه ميفقليش بابا ..بصح للاسف كي جيت خارجة.... قلي عمبالي مكيش تباتي فالاقامة علاه داية هذاك القش ....مصبتش قاع واش نقلو ...قتلو عندي اختبارات لازم نبات ...قلي ولبنات شكون يبات معاهم .....تغلقت قاع ...قتلو والله لا بصح انت مكش بويهم حتى نبات معاهم .......قلي دوري رجعي والله ما تروحيها ...قتلو ملا نقلك حاجة ها بناتك ها دارك ...ومبديتش نفرز ...رحت و مديتهاش قاع فيه و قلت لي فيها فيها......رحت ستنيت كريم كي جا  خبرتو بكلش ...قلي افريدة وضرك كي ديري ...قتلو روح متخممش فيا راني موالفة روح برك ...المهم كي تروح بعثلي مع كاش واحد صاحبك و طمني على حالتك ....رحت قريت هذاك نهار .....و جيت راجعة لدار ...نكذب عليكم كون نقلكم خفت من بابا ...كنت رايحة ولي باغي يصرا يصرا ..........كي وصلت فتح عليا هوا(بابا) ....#يتبع............