اليتامى ومرت باباهم ..قصة فريدة

24

#صفحة_هنا_نحكي_حكايتي:
#فريدة
#الحلقة_24
قلتكم بعدما صرات ذيك الكارثة وبابا ضرب كريم خويا ..غدوا من ذاك صباح كي نضت صبت كريم يخمل في قشو في كرطابو ...قتلو وين ....قلي ما بقات عيشة ..بديت نبكي قتلو اكريم حنوني انا معامن نقعد وانا شكون بيا ...بدا يبكي و يمسح في دموعو و يخمل في قشو ..وماجوبنيش ....هو يدير في كسوتو في كرطابو وانا نعاود نجبد فيهم ....قلي اصبري وليك ربي ..قلي كون جيتي طفل كون ديتك معايا ....بديت نحلل فيه تحلال بصح خلاص نجرح و غاضتو ......كي جا رايح خرجت معاه حتى عند الباب و لخرين كامل راقدين ....كي جا خارج عاود دار ليا غير براسو ..قلي افريدة منصيبش عندك عشرين الف ....نهار قلهالي قسملي قلبي ....قتلو اصبر رحت نجري كانت عندي وحد الميتين الف داستها جبتها و عطيتهالو قلي لالا غير عشرين بزاف عليا باه نركب ....( كيفاه واحد كيما هذا يتهموه بسرقة) قتلو لالا ديها كامل ...راح مسكين و جهو كامل زرق من ضرب ..وقلي متتقلقيش عليا خطرة على خطرة نجي نضرب طلة عليك ..وكي سقسيتو على القراية قلي ربي يعمللها حل ...وراح ...رجعت لهذيك شمبرة وبقيت نشوف في خوتاتي ....بديت نفقد في افراد عائلتي بلواحد ...خطرة يما و خطرة بابا و هذ الخطرة خويا .......كي ولات العشرة تاع صباح ناض بويي وجا يطل على كريم ....صاب غير بلاصتو ...سقسني قتلو منيش عارفة ...قلي غير سلسلة لي يحطها ....شفت فيه قتلو كون صح سرقها ميقوليش اعطيني عشرين الف باه نركب ...قتلو علاه عندو بلاصة معينة يروح ليها ...قتلو دا كرطابو و راح ...قتلو ايلا عندك غير شوية رحمة في قلبك روح حوس عليه ورجعو .....قلي معندو وين يروح ضروك يضربوه الحيطان ويرجع .....بقيت مخلوع عمبالي مهوش بابا .....دا مرتو لدار باباها باسكو خاف عليها من كريم ايلا يضربها من فوق السرقة زادو حطوه قاتل و مجرم .....معليش ربي على الضالم ......فاتت سمانة واحنا هاكا على هذيك الحالة بداو لبنات يقراو و سمانة كامل مقلناش واش خصكم.....معليش ...رحت لسيام قلت نتلاقا بالاساتذة تاوعي و نسقسي على كريم .....قلولي مراهش يجي كامل .....زدت شكيت لاستاذي على دليلة و حكيتلها كلش .....بصح يا ريتني ما شكيت ..........#يتبع .......