#صفحة_هنا_نحكي_حكايتي
#فريدة
#الحلقة_25
رحت لسيام نسقسي على خواتاتي وكريم و للاسف قلولي كريم مهوش كامل يجي وكان عندو شهادة تعليم المتوسط ...رحت للاستاذة تاعي نشتكيلها ونفرغلها قلبي وقتلها بلي دليلة راهي في دارهم... قاتلي هذيك هيا كي نكمل الخدمة العشية ندهما ونشوف كيفاش ندير ....المهم رحت لدار وكارهة حياتي مصبتش قاع وين نصد ماصبت لا نخمم في روحي ولا في كريم مسكين ....غدوا من ذاك رحت قريت وعاودت رجعت كي جيت صبت دليلة جات فت نيشان لشومبرتي نحي في طبليتي ...جا ليا بابا قلي افريدة هاو المشاكل توعنا علاه تخرجيهم برا ...قتلو لمن قلت انا ...حتى هي نطقت من الكوزينة قاتلي استاذتك .....عاودت رديتلها قتلها كون ما الاستاذة كون مزلتي تستناي في واحد هجال ( الله غالب قلتهالها وقلبي معمر كنت لازم ندابزها باه نريح ونخرجواش فيا ) كي قلتلها جات تجري وبدات تقلو شفت بعينك شفت بعينك ...ضربني بابا بكف ..و اول مرة يضربني ...بدات دمعة هابطة مع خدي ...قتلو كون ما الاستاذة ما تصيب الخدمة لي راك فيها ..كون ما الاستاذة منعرفوش حتى يما باه ماتت ....كون ما الاستاذة كون موصلتش لليسي ....الاستاذة لي راه غيضكم الحال عليها هي لي تحدات سيام كامل على جالي....قتلو شكون لي وقف فالموت تاع يما وعشا الغاشي ....شكون لي كساني انا وخوتاتي هذاك العام ....شكون لي جرا بيما نهار مرضت ....بصح كامل واش دارت ماجيش كي جابت لفعة لدارنا ....قتلو اضربتي زيد ضربني اضرب ....الله يرحمك يا يما حنونتي اجري تشوفي واش راه صاري من موراك .....حتى نطقت قاتلي قولي لاستاذتك تجي طيبلكم و تغسللكم ....قتلها ياكلني دود و متزيديش تطماي لحوايجي...وبابا قاعد غير يشوف وكل يوم جاي معاها .......حوزها لشمبرتها وسكتني انا .....هي تحلف باه متزيدش طيبلنا وانا نحلف باه منزيدوش ناكل مكلتها ....خليتو كي خرج ...ورحت ليها قتلها اسمعي رايح ندي ماعن يما و فورنو يما والقش لي جبتيه من داركم رواحي خطاريه ....رحنا للكوزينة وقسمنا القش ....وقسمنا الكوزينة ......انا قلت بابا ميعجبوش الحال ..هه بصح للاسف مدهاش قاع فينا ......هي طيب في جيهة وانا نطيب في جيهة ...ورجعت ليمات لي ماتت فيهم يما ......و القضيان كي يجيب نروح نقسم انا القضيان ندي حقي ونخليلها حقها ...وهي نفس الشي ......والحاجة الزينة لي كانت مساعدتني خوتاتي كانو يعرفو ويكبرو يعني يغسلو رواحهم و يفرشو لرواحهم .....كنت مريحة شوية .....فاتت شهرين وقربت واحنا على هذ الحالة ..وبديت نخاف على كريم ما بان عليه حتى خبر ..ماصبتش قاع وين نروح ولمن نقول ..وبابا تبدل نيشان و مسقساش عليه مومبا ...........#تصبحون_على_خير
YOU ARE READING
اليتامى ومرت باباهم ..قصة فريدة
Short Storyعندما تتعرض البراءة الى اغتصاب حقوقها ...وعندما تغيب الرحمة من افئدة البشر ...وعندما يكشف عرينك لصاحب و الغريب ستكون النتيجة #فريدة ......فريدة قصة فتاة جار بها زمن لتجد نفسها في غيابات المجتمع الظالم و المظلم .فريدة قصة فريدة من نوعها ..لم تأبى الا...
