#هنا_نحكي_حكايتي
#فريدة
#الحلقة_16
قتلكم بدات تمشي الامور عادي بصح نقصتها الام كيما تعرفو مي الله غالب ولات وصيتها بين عينيا معنديش حل الاخر ولازم نبقى قوية قدام خاوتي ...فات الفصل الاول واحنا على هذيك الحالة بصح الحاجة لي مكنتش متوقعتها هي النتائج كريم جاب 16 بصح نجلى وكلثوم هبطووو بزاف انا فالحقيقة مكنتش نتبعهم كنت مهتمة غير بالاكل و اللباس تاعهم على غرار مستواهم ...مام انا ونقصت شوية .... نهار الحفلة تاعهم ديتهم ورحت سقسيت عليهم قلولي راهم يسهاو و يشردو بزاااف و تبدلو بزااف و راهم ثقال فالفهم ....فهمت الاساتذة و قتلهم ماشي ساهلة عليهم ..الفترة الاخيرة اثرت عليهم ....ليصونصيال كانت عندي مهمة برك رجعو مهمات ..وليت كي نجي العشية ديراكت نطيب قهوة و ندير العشا ونغسل ماعن و نفرشلهم ...ومن بعد نقبضهم نرجعلهم ..وليت منرقدش وزيد فوق هذ شي نوض بكري ....هذيك الاستاذة مقراتنيش فالسنة الثالثة مطاحتش معايا بصح بقات تسقسي عليا ..وحد الخطرة جيت فايتة عليها بدات تعيطلي بصح انا مسمعتهاش كنت عيانة لحقتني ...قاتلي واش بيك ..قتلها اهاا والو ..قاتلي عينيك راهم زرق ...مصبتش قاع شا نقلها ...قاتلي هدري ...داتني لوحد الكلاصة فارغة ...قتلها عييييييت عيييت اا ستاذة ..وحكيتلها كلش نخلعت .....قاتلي و الحل كيفاه ...قتلها والله معلبالي ....قاتلي صحااا واش رايك نزوجو باباك ......دمعة سبقتني و غاضتني هذ الهدرة ..جيت رايحة ..حكمتني من يدي قاتلي اسمعي علبالي ماشي ساهلة عليك بصح هذي هي الدنيا وباباك من حقو مزال صغير ...علبالي متقدرش تعوضلكم حنانة يماكم بصح اوموا تقعدلكم فالدار و تنقص عليك شغل دار ...مبغيتش كامل نردلها ..قتلها سمحيلي نروح نقرا ...قاتلي روحي وفكري ...رحت للكلاصة زدت شردت ومتخيلتش وحدوخرة تدي بلاصة يما ......كي رحت لدار ...كي دخلت صبت ........#تصبحون_بالف_خير
YOU ARE READING
اليتامى ومرت باباهم ..قصة فريدة
Short Storyعندما تتعرض البراءة الى اغتصاب حقوقها ...وعندما تغيب الرحمة من افئدة البشر ...وعندما يكشف عرينك لصاحب و الغريب ستكون النتيجة #فريدة ......فريدة قصة فتاة جار بها زمن لتجد نفسها في غيابات المجتمع الظالم و المظلم .فريدة قصة فريدة من نوعها ..لم تأبى الا...
