#صفحة_هنا_نحكي_حكايتي
#فريدة
#الحلقة_29
قلتلكم كريم خويا بعثلي الخبر باه يجي هذ السمانتين بصح البروبلام بقا في بابا مصبتش قاع كيفاش نبدهالو وزيد علاقتي معاه مهيش مليحة تقدرو تقولو نهدرو معاه غير في وقت الحاجة ...غير نخمم نخمم بصح ملقيتش حل من غير اني نهدر معاه ونواجهو ....العشية كي جا بعثتلو كلتوم قتلها قوليلو بلي كريم راه جاي... باه نشوف واش يقول ...انا قاعدة فالشومبرتنا وهي راحت ليه للكوزينة ..حتى جا ليا قلي اسمعي انتي .؟صح كريم راه جاي ...قتلو ايه البارح خت صاحبو قاتلي فالجامعة بلي راهم جايين هذ ليام هو و خوها ...قلي و راه معول باه يجي هنا ...قتلو احوجي وعندو دار باه يروح ليها ...قلي متكثريش معايا الهدرة لمهم ايلا جا قوليلو يرجع مين جا.......وراح و خلاني ....ااه يا ربي كي ندير انا ضروك ....كي ندير ...يومين وانا نخمم بصح والو .....والحاجة لي لاحظتها مرت بابا كانت مريضة ...و مكانتش تقدر حتى طيب فنجان قهوة لروحها ...صبتها فرصة باه نتقرب ليها بصح مهيش حب فيها وانما قررت باه نحط نيفي في جال خويا ....بديت نطيب و نديلها حتى لعند فمها و من الفوق متشنفة عليا ...بصح معليييش بديت نسيقلها شومبرتها ....غير باه نشري معاها الهدرة ..(شفتو دنيا كي نقلبت ولات دارنا و نحاول فيها باه تقبل بكريم يجي لدار ) ......قتلها ا دليلة باغي نهدر معاك ...و جبدتلها فالسوجي تاع كريم قتلها كون تهدري مع بابا ...قاتلي وقيل راكي حاسبة نسيت سلسلتي والله غير يحطها بسيف ...قتلها صحا عندي حاجة ليك في بلاصة ااسلسلة ..قتلها مناقش يما نعطيهلك بصح دبري راسك شوفي كيفاش تقولي لبابا و تدبريلو قالب وتقوليلو سلسلة تودرتلي في دارنا المهم دبري راسك .....(علبالي راكم تقولو كيفاش مناقش مك اعطيتهملها ..ننن غير هذي لي متصراش ) ...المهم قبلت قاتلي هاتي نشوفهم ..كي شافتهم عجبوها ثقال وزيد الذهب تاع بكري ...قاتلي صايي خليها عليا ...وتفهمنا باه متوريهمش لبابا اصلا كون توريهملو ماشي في الصالح تاعها ...المهم انا ذيك دقيقة بغيت نبرأ خويا و كي تستعرف لبابا وتقلو بلي سلسلة صبتها من بعد نكشفها غير في غرضي بلي مناقش تاع يما راهم عندها وهي لي سرقتهم بصح ماشي ضروك حتى يولي كريم خويا لدار و تسقم علاقتو مع بابا ....(علبالي حاجة ميبغيها لا ربي لا للعبد بصح السن بالسن والعين بالعين و البادء اظلم واصلا انا من المحاين تاع الدنيا تعلمت الخرابيب )...المهم تفهمنا وخلاص ...وعطيتلها المناقش ....وحد السمانة حتى جا بابا سقساني على كريم ...قلي وينت يجي؟ (عرفت بلي السم تاع فريدة جاب مفعولو وقدرت تقنعو ) ...ضروك صيبو متقدرش دور في كلامها واصلا كون تخبرو بالحقيقة و ميصدقهاش باسكو عارف بلي انا وهي منتفاهموش و امبوسيبل نفرط في مناقش يما ..(.طحتي يا دليلة في فم الغول ...الله غالب انت ضطريتني باه ندير هذ الشي ).......#يتبع ......
YOU ARE READING
اليتامى ومرت باباهم ..قصة فريدة
Short Storyعندما تتعرض البراءة الى اغتصاب حقوقها ...وعندما تغيب الرحمة من افئدة البشر ...وعندما يكشف عرينك لصاحب و الغريب ستكون النتيجة #فريدة ......فريدة قصة فتاة جار بها زمن لتجد نفسها في غيابات المجتمع الظالم و المظلم .فريدة قصة فريدة من نوعها ..لم تأبى الا...
