#صفحة_هنا_نحكي_حكايتي
#فريدة
#الحلقة23
قتلكم كي رجعت دليلة مع بويي وراحت لشمبرتها قعدت شوية وبدات تضرب في روحها و تعيط سلسلتي سلسلتي ...كي رحنا نجرو بدا بابا يقولها زيدي حوسي بدات تقلو يد رفدتها يد رفدتها ...شفت في بابا ووبابا شاف فيا ...وبقيت مخلوعة ...وانا من قوة الحشمة مهدرتش جامي ملي زدنا مصراتش عفسة تاع سريقة كيما هاك ....قلها بابا انعلي شيطان زيدي حوسي راح لخزنتها يحوس رحت انا نحوس معاه ..قاتلي حبسي حبسي انتي كيفاه باغية تقنعيني بلي منسرقتش ....بقيت غير مخلوعة ...قتلها شاكي حابة تمعني ...قاتلي كلش راه واضح .....قلها بابا اهدري انطقي فيمن راكي شاكة ....قاتلو كامل يا كريم يا انتي (عليا انا ) ....هنا فاض الكاس .....قلها كريم وين شاف سلسلتك ..قاتلو حاطيتها البارح قدامو كي جيت نحول الخزانة وهو لي حولها معايا ....قتلها اسمعي ااا ...قتلها بتنا بلا عشى و بلا فطور ..وطلعنا بدراهم الكوردوني و جامي ايلا مدينا يدينا على الحرام .....وسقسي الاستاذة لي جابتك لينا تقلك واش بيني وبينها .....قاتلي لالا لالا يا نتي ياخوك ..قتلها الله يهديك نشالله وخرجت .....و لي محيرتني بابا ما قال حتى كلمة ....قعدو و حد نص ساعة هو يحوس عليها و من بعد جا ليا لشومبرتي لبنات كانو برا ......قلي ا فريدة بلاك لبنات جابوها و حطوها في خزانتك .... قتلو شتاهو شتاهو ...ومع هذاك زعاف نضت لخزنتي قلبتها على فمها ...وبديت نفتح في كسوتي و نطلع فيها لسما و نقلو ها سلسلة ها سلسلة ......ومن بعد كي مصاب والو . راح عندها و خلاني بديت مشومبرة تاعي نهدر و نقول الله لا تربحك و الله لا يوريلك السعد طول حياتك .....ودمعة للعنق ....ظلمتيني و بكيتني مع العصر والله ما نسمحلك .........مع المغرب دخل كريم مسكين ما هو عارف والو دخل للكوزينة و قلي افريدة ني ميت بلجوع ......بديت نحطلو فالماكلة تاع الفطور وعينيا منتفخين ...سمعت بابا يبلع فالباب البراني ....حتى جا دخل عليه فالكوزينة و هوا مزال محطتش اللقمة في فمو .....قلو نوض ...كريم يشوف فيه وويشوف فيا ...قلو شا كاين ابابا ..قلو نوض .....ناض مسكين وبدا يقلب فيه و كريم مخلوع ...قلو واش كاين ابابا .....قلو وين راهي سلسلة ...قلو تاعش سلسلة ....زيرو بجيافة مع الحيط قلو ضروك تحطها ......وكريم مهوش قادر حتى يهدر ....وبدا يشوف فيا و يقلي شتاهي افريدة فهميني ....وانا نبكي و غايضني باسكو متأكدة بلي ميديرهاش نشك في روحي و منشكش في كريم .....قدمت ليه و بابا مزال مزير عليه ..قتلو اسمع كريم قتلو دليلة لبارح سيقت شومبرتها و كي خرجت الما للحوش قالت بلي خرجت سلسلتي معاها و مشفتهاش ...قلنا بلاك انت صبتها حسبتها تاعي (انا قتلو هاكا باه منسرقوش ) ....جات هيا دخلت علينا فالكوزينة ..قاتلي ما سيقت لا شومبرة لا والو كنت داستها .......قلنا والله مشفتها ...ويقبضو بابا غير يضرب يضرب طيحو في وسط الكوزينة ..وانا نسلك فيه ونقلو ابابا حرام عليك ابابا ....وهي كيما شيطانة والله ما سلكاتو معايا ....كي مقدرتش نسلكو ..تكيت على وحد الطابلة و نشوف غير بعيني ....بديت نقول اأمااا جري ليا كريم مات ..باسكو بدا غير الدم من فمو ....اماااا جري ليا لي كنتي خايفة منها لحقت .....كي ضربو مليح مليح و خلاه مغاشي في وسط الكوزينة راح و خلاه ...انا اول مرة نشوف الدم هاكك نخلعت ....طحت على ركبيا و بقيت نمسحلو في وجهو و نوض فيه وهو يقلي ا فريدة والله ما ديتها ..وانا نقلو علبالي علبالي حنوني ...بسيف باه نوضتو ديتو لشمبرتنا وبقيت نمسحلو على شعرو ...غاضني و قسملي قلبي اول قهر نقهرتو بعد وفاة يما ....بتنا ذيك ليلة و دمعتنا على خدودنا ....صباح من ذاك ...........#يتبع
YOU ARE READING
اليتامى ومرت باباهم ..قصة فريدة
Short Storyعندما تتعرض البراءة الى اغتصاب حقوقها ...وعندما تغيب الرحمة من افئدة البشر ...وعندما يكشف عرينك لصاحب و الغريب ستكون النتيجة #فريدة ......فريدة قصة فتاة جار بها زمن لتجد نفسها في غيابات المجتمع الظالم و المظلم .فريدة قصة فريدة من نوعها ..لم تأبى الا...
