#هنا_نحكي_حكايتي
#فريدة
#الحلقة_10
قتلكم دينها لطبيب باه نشوفو وقت العملية بصح للاسف نصدمنا برد تاعو ...قلنا ميشقاش نديرولها العملية و مكان علاه تخسرو دراهمكم قلنا الكبدة تاعها مبقاش فيها خلاص و سرطان تمكن منها ...هو يهدر وانا نهزز في راسي ونقلو ننن لالا متكملش ....و بويي شادني من كتفي جابدتي ليه ..وطبيب يقلي مذابيا ابنتي نقلك عكس هذ الشي بصح يماك (....)....شفت في بابا هو طويل عليا شويا مطلعة راسي صبت دمعة هابطة مع خدو قتلو ابابا قلو ميقولش هاكا ابابا قلو ...رجعت لطبيب بديت نقلو اطبيب قولي يماك تبرا نشالله معليش كذب عليا ا طبيب انا بنتك رجعلي يما ....ومن بعد قال لبابا اسمع متقوش الحس وملازمش تسمعنا ....رحت خرجت برا و بديت نبكي ومنيش متخيلة خلاص العيشة بلا يما .....جابها بابا معنقها وعينيه حمر وهي تسقسي عليا مهيش شايفتني وتقلو وين راهي فريدة وشا قلكم طبيب وهو مدور وجهو وغالبو البكا....رحت غسلت وجهي و كورجت روحي ورحت ليها لطومبيل نستناو فالشوفار ....معلباليش ربي عطاني وحدة القوة ذيك اللحظة وتحكمت في روحي ....وبديت نقلها قلنا الطبيب لازم تزيدي تكملي دوا تاعك وراكي تبراي ....بدات تتبسم قاتلي هذاك قاع مهوش طبيب كيفاش انا حاسة حاجة تاكل في الداخل وانتي تقوليلي تبراي ...قتلها هذاك دوا راه يدلك هاكك .....ليصونصيال وصلنا لدار ورحت ليكول ...رحت ديراكت للاستاذة باه نخبرها ..قلتلها ميشقاش تزيدي تلمي الدراهم وايلا راكي شافية على صاحبهم رجعيهم ...قالتي وعلاه قتلها بلي طبيب قلنا مكاش عملية ...مسكينة بكات تحسب ختي ولا وحدة من خالتي ...قتلها المهم انا نقلك تهلاي في روحك وسلميلي على كامل الاساتذة ..قاتلي وعلاه قتلها باغية نكمل اليامات الجاية مع يما ....قاتلي روحي وانا غدوا نجي عندك ونشوفولك حل .....رجعت لدار و شمرت على ذراعتيا وانا في هذاك السن ...وجدت روحي للمصيبة و متاكدة انها تصرا ....بديت منفارقش يما ولا دقيقة ..خطرات تنقطع قاع على الهدرة ومتوليش تهدر ..وخطرات تجمع معانا وتضحك تحسب هذي قاع مهيش مريضة ....وحدة الخطرة الصباح نضت كي لعادة طيبت القهوة وفوت لبنات ووكريم راحو يقراو و وديت فنجان قهوة كحل ليما ....مديتولها ...صبتها تتبسم ..قتلها اما صبحتي تضحكي ..قاتلي شفت منام ....قتلها شا شفتي ...قاتلي شفت حمامة فالتاقة هذيك (تاقة تاع شمبرتها) قاتلي شفتها اللون تاعها يتبدل خطرة كحل و خطرة بيض وهذيك الحمامة تهدر وتقولي انا هي فريدة و انا بيضة فالاصل بصح لسود هذا جاني مسواد دنيا .....لحمي تكوش و حسيت جسمي كامل ينمل .......#تصبحون_على_خير
YOU ARE READING
اليتامى ومرت باباهم ..قصة فريدة
Short Storyعندما تتعرض البراءة الى اغتصاب حقوقها ...وعندما تغيب الرحمة من افئدة البشر ...وعندما يكشف عرينك لصاحب و الغريب ستكون النتيجة #فريدة ......فريدة قصة فتاة جار بها زمن لتجد نفسها في غيابات المجتمع الظالم و المظلم .فريدة قصة فريدة من نوعها ..لم تأبى الا...
