#هنا_نحكي_حكايتي
#فريدة
#الحلقة_17
رحت لدار و مع طريق بقيت نخمم في هدرت الاستاذة مجاتنيش قاع ومرحبتش بالفكرة ...كي وصلت لدار على الدخلة صبت بابا مطاطي على الجفنة و قاعد على ركابيه ويغسل في كسوتو ...منظر يحمل كل معاني الشقاء و البؤس
...غاضني قسملي قلبي ..كي شفتو هاكك حشمت ..قلي اا فريدة حنونتي جابك ربي كملي هذ الكسوة و انا نرجع للخدمة خليت طابلتي و حدها ...راح مسكين بقيت نغسل ونخمم فالهدرة تاع الاستاذة ...حتى ثان دخلو خوتاتي جيعانين وانا بطابليتي وصباطي منحيتهم ...نظت بيديا فيهم الجر (الاومو) ...درت الحليب فوق نار عطيتهم ياكلو ...كي كملت الغسيل اذن عليا المغرب رحت ديراكت للعشا نوجد فيه ....الصلاة و مكنتش نصلي الوقت مكانش عندي ....بديت ننضر ...فاتت يمات وبدات نفس ليستوار تتعاود و بديت نتاثر و نتراجع فالمستوى ....وبديت ننقص في صحتي ...كنت نستنى في بابا يجبدلي فالسوجي تاع الزواج ..بصح هو والو جامي ويلا معنالي ..هذاك العام كان عندي شهادة تعليم المتوسط مكانتش الكتريام .....المهم جبتها بالكشايف ....المهم .لحق رمضان وين كان لازم عليا نصيب حل بصح الحل كاين غير في زواج بابا مكانش حل اخر ...هدرت مع الاستاذة و قتلها راني خممت فالموضوع و كون تعاونيني ..قاتلي ساهل ساهل ليوم نبعث راجلي لباباك ......قاع متخميش ....فليل قاعدين نتعشاو ..حتي جا راجل الاستاذة عيط لبابا قعدو مجمعين برا تقريب ساعة كي دخل سقسيتو ...حشم مسكين قلي والو والو ...قلي كان يسقسي كاش ما خصنا ......وانا عرفت الموضوع .....كي رحت ليكول حكمتني الاستاذة ..قاتلي بويك البارح قال لراجلي راني حشمان من ولادي لازم هوما يجبدولي فالسوجي .....قاتلي شوفي انت ليوم حكميه وقوليلو بلي انا عييت من شغل الدار ونضريت لازم تشوفلي حل ولا تزوج ...قتلها لالا نحشم منقدرش نقلو ...قاتلي لازم افريدة لازم ...هو راه يستنا فيك ....فليل قعدنا نتفرجو كي راحو خوتاتي يرقدو بقيت انا وياه ..ما جيت نقولهالو و نجبدلو فالموضوع حتى بديت نعرق الله غالب ماشي ساهلة و كنت صغيرة على هذ المواضيع ..نورمالمو في هذ الحالة واحد من لافمي هو لي قلو ....المهم بقا ساكت وقلي اسمعي يا فريدة بنتي انا يماك والله ما ننساها...بديت نبكي كي قلي ذي الكلمة ...بصح قلي الله غالب راكي نضريتي و خوتاتك نضرو لازم وحدة تعاونك ....بديت نمسح في دموعي قتلو ايه ايه معليش ...قلي وانتي خيري المرا لي توالمكم ......قلي قولي لشيختك ......غدوا من ذاك قلت لاستاذتي ..قاتلي ضروك انت سلكت مهمتك وخلي كلش عليا .......#يتبع ......لسا ما شفتو شي ........نحن الاصل والباقي لا يوجد اصلا
YOU ARE READING
اليتامى ومرت باباهم ..قصة فريدة
Short Storyعندما تتعرض البراءة الى اغتصاب حقوقها ...وعندما تغيب الرحمة من افئدة البشر ...وعندما يكشف عرينك لصاحب و الغريب ستكون النتيجة #فريدة ......فريدة قصة فتاة جار بها زمن لتجد نفسها في غيابات المجتمع الظالم و المظلم .فريدة قصة فريدة من نوعها ..لم تأبى الا...
