اليتامى ومرت باباهم ..قصة فريدة

28

#صفحة_هنا_نحكي_حكايتي
#فريدة
#الحلقة_28
بعدما رحت لقيت كريم خويا وعطيتلو كسوتو رجعت لدار و مانيش خايفة من بابا ...كي وصلت وطبطبت هو فتح عليا وراح قدامي مهدرش قاع معايا رحت انا لشومبرة بديت نبدل لبست وحد روبة خفيفة ...كي حس بلي بدلت دخل عليا ولبنات فالكوزينة يغسلو فالماعن ...جاب السبتة تاع سروالو ...قلي تخرجي بلا بيا اه ؟....سكت مهدرتش انا ....قلي انطقي تخرجي ومكيش دايرتلي حساب ولا كيفاه  ..قلي ولا راكي حسبتني حمار ومعلباليش وين رحتي ولمن لاقيتي ..وانا غير ساكتة  ..هو يقدم ليا وانا راجعة حتى توشيت الحيط بظهري...و يعطيني بضربة  لصدر ...حسيت بتريسنتي ضربتني ....ومن بعد بدا يضرب ...طحت انا من الضر بصح بلا بكا ...قعدت درت يديا على وجهي غطيتو ودخلتو بين ركابيا وهو يضرب ..كل ما يضربني ننهز و نتنفس .ونولي نفيبري ....بدا يضرب ويريح ....جاو خوتاتي وقفو عند الباب وبداو يسجلو في رسانهم ويشوفو فالحقرة ...جات دليلة بغات تسلك بحال ...بصح حاوزها ....هو نخلع كي شافني ساكتة ومبديتش نبكي ....بدا يقلي بلخف كبرتو ودرتو عليا اه  .....وبدا يعاير فيا .....المهم شبعني ضرب .....طحت فم فالبلاصة لي ضربني فيها ...وخوتاتي مساكن يبكو و يحاولو معايا باه نوض ...بصح انا فشلت من ضرب .....ومن بعد تفكرت يما و وصيتها ......قلت الله ينعلك يا بليس نضت نقشر فالبطاطا باه نعشي لبنات و منيش قادرة حتى باه نشد الموس من ضر ....درتلهم ذاك للعشا تاع بسيف ورحنا رقدنا ...ومن بعد جاني قاع تخمام تاع سيدي ربي ويغيت نهرب وطريق لي كلاتني تاكلني ...بصح دايمن وصية يما قدامي ....قلت نصبر و خلاص معنديش حل اخر .....فاتت تقريب 3 اشهر حتى جا واحد يطبطب فالباب ...فتحت عليه انا ومزية لي فتحت عليه انا....صبت واحد جان كبير عليا وحد شوية قلي انا صاحب كريم خوك راه مسلم عليكم وقلكم وحد سمانتين و ونجي وقلكم ايلا كاش ما خصكم حوايج روحو للحانوت الفلاني رفدو عليه الكريدي وكي نجي ربي يعمللها حل ...فرحت فرحت كي راه خويا بخير........بصح البروبلام كي يجي  وين يجي وهو مهوش متفاهم مع بابا ....بديت نخمم كيفاش ندير ونلاقيهم ..المهم كي يجي لدارهم الدنيا ومافيها .....#تصبحون_على_خير .........مبقاش بزاف ونودعو فريدة و قصتها .....