اليتامى ومرت باباهم ..قصة فريدة

18

#هنا_نحكي_حكايتي
#فريدة
#الحلقة_18
تفاهمت انا والاستاذة وقلتلها راهي عندك القضية تاع الزواج دبري راسك .....بصح قتلها استاذة بابا كيفاش قادر يصرف علينا وعليها دراهمو قلال بزاف وني خايفة متصبرش علينا ..قاتلي متخافيش خممنا فيه و راجلي هدر مع واحد صحبو و قلو خصني عساس يخدم ليلة بليلة ..ونهار لي ميخدمش فيه يعاون روحو بخدمتو تاع مضاري ........يمات جات ليا قاتلي اسمعي فريدة راني صبتلكم وحدة و سقسيت عليها مليح مليح ويلا مخابش ظني توالمكم و توالم بويك ..قتلها خلاص قولي لراجلك يهدر مع بابا  و شوفي نهار لي يساعدهم ..قتلها كي تجيك قاتلي خت عجوزتي في عمرها 40......قتلها بصح استاذة مكان لا عرس ولهم يحزنون لبغات دير عرسها في دارهم دبر راسها بصح في دارنا لالا ....قاتلي ساهل كي نتفاهمو ...جا راجل الاستاذة تفاهم مع بابا و خطرنا نهار لجمعة لي نروحو نشوفو فيه ....بصح انا قتلهم منروحش ميهمنيش شكلها كيما تهمني انسانيتها ....قلي بابا انا ثان منروحش ايلا مرحتيش انتي .....بسيف بسيف باه قبلت ...جاو رايحين يعيطو لخالتي باه تروح معانا قتلهم والله ما تروحها ...عيطت لوحد العجوزة و استاذة تاعي وانا ...روحنا نهار الجمعة من مورا الجمعة وكي جينا رايحين فتنا على المقبرة لي دفنا فيها يما ...شبعت بكا ....رحت عند هذ ناس و عينيا منتفخين ..المهم دخلنا رحبو بينا عادي و نورمال ...دخلت علينا هذيك المرا بصح مقدرتش نشوف فيها مقدرتش ....بداو يهدرو و يطلبو فالهنا (في قلبي قلتلهم انحنا طالبين الهنا )...بدات تهدر يماها وتقول لهذيك العجوزة جارتنا بلي رايحة تكون يماهم نشالله ...انا قاع مهدرتش بصح كي قتلها هكا بلا ما نحس قلتلها لالا كاين يما وحدة ربي يرحمها .....حتى حشمت على روحي ...المهم تفاهمو على كلش بصح انا عقلي كامل بعيدة و منيش باغية هذ الزواج بسيف عليا .......ليصونصيال تفاهمو على سمانتين العرس ....رجعت انا لدار وكي بقات سمانة عولت باه ندير ميناج و غسلت الحوايج باه كي تجي متقلكش صبتهم موسخين ......لحق الخميس لي معولين نجيبو مرت بابا لدار ...راحو زوج طومبيلات جابوها وجاو ...سقملها بابا شمبرتها وشرالها فراش جديد ...من حقها معليش المهم تكون تستهل برك ..........جابوها ذيك ليلة درنا عشا خفيف و تفركتو ......غدوا من ذاك الجمعة نضت صباح باه ندي لبنات ونروح للمقبرة صبت مرت بابا قبلي فالكوزينة مطيبة القهوة و دايرة الخبيز وجايبة القطو تاعها ...نخلعت ........بصح كنت صغيرة طبيعي ننخلع. .........#يتبع ............نحن لاصل و الباقي لا يوجد  اصلا ........