اليتامى ومرت باباهم ..قصة فريدة

4

#هنا_نحكي_حكايتي:
#فريدة
#الحلقة_4
قلتلكم قاتلي الاستاذة روحي جيبي ولي امرك نفريها معاه
كي رحت للبلاصة لي يخدم فيها نصدمت و بديت نزيد نكره و نحقد على المجتمع ..شفتو واحد حاط رجلو على ركبت بابا و هو يرقعلو في صباطو وهو لاباسو ماشي حتى منحيه وبابا يدلو في وحد الكولا ....وقفت في بلاصتي و بقيت نشوف فيه ودمعة رايحة مع خدي .....حشمت باه نروح ليه وهو في ذيك الحالة خليتو حتى كمل ورحت ليه هو حشم مسكين قلي شااا جابك هنا وك خليتلك الصرف عند مك ...قتلو ننن لا ماشي صرف .....و منيش قادرة نهدر. بقيت نشوف في يديه مشلحين و بيض من البرد ...قتلو شيخة قاتلي جيبي بويك ....قلي كيفاه البارح اعطاتك الدراهم وليوم تقلك جيبي بويك ...قلي واش درتي ....قتلو مش عارفة قاتلي جيبيه ..قلي روحي من بعد على 12 نجي ...رحت وانا مقهورة و مكسورة و مش عارفة كي ندير ...رحت للاستاذة قتلها قلك من بعد نجي ..قاتلي كي يجي جيبيه لقاعة الاساتذة تصيبوني ثم .....ايا كي كملنا رحت برا عند الباب تاع السيام نستنا فيه حتى شفتو من بعيد جاي ويزرب مسكين وجا بكسوتو تاع الخدمة مسكين ...بصح معلباليش كي شفتو هاكك دفيت و حسيت بوحد الامان ...المهم دخلتو ولبنات خارجين صحباتي من المطعم ويشوفو فينا كي شفتو هاكك حكمت في يدو و زدت بينتلهم بلي هذا هو بابا و تبا لكم كيما راكم ...رحت عند الاستاذة قاتلي روحي فريدة ..رحت انا وبقيت نشوف فيهم غير من البعيد وشفتها غير هيا تهدر و هو غير ساكت مسكين ( مسكين مهوش تاع مقابلات وسيرتو هو مهوش قاري يخاف ايلا يهدرولو بالفرونسي وميعرفش يجاوب بدا قاسملي قلبي )....ومن بعد شفتها مدتلو وحد الورقة معرفتهاش واش هيا شدها وراح رحت لحقتو بغيت نعرف شا كاين قلي روحي تقراي و العشية نحكو ....رجعت للاستاذة باه نعرف شا قاتلو ..قاتلي فريدة صيبو القضية بيني وبين بويك و يماك و ضروك تلاهي بقرايتك و فرحيني و خطيك من صوالح لي كبار عليك و قاتلي كاش ما تحتاجي قوليلي و متقوليش لباباك ولا يماك ............رحت انا و مطمنة وحد شوية ....دخلنا للكلاصة نستناو في الاستاذ يجي و كانت وحدة تقعد فالطابلة لولا شوية دايتها في روحها ...دارت ليا و قاتلي فريدة هذاك باباك وبدات تبقس في سنانها ..قتلها انعم ...قاتلي امممم و عاودت دارت ( كي شغل استهزاء ) ....بداو يضحكو تنشعت  ...مع زعاف محصيتش راسي ...معرفت قاع كيفاش صبت روحي عندها حكمتها من شعر و قلبت بيها كرسي و بديت نجر فيها و الكلاصة كامل يزقو ...قتلها نذبحك تزيدي تجبدي بويي  ننسا بلي انا طفلة نورمال انا منقدرش نافسك فاللبسة وانتي متقدريش تنافسيني فالقراية ...درت حالة فالكلاصة حتى دخل الاستاذ صابني راكبة فوق كرشها و مجيفها ...قلي فريدة برا ولي امرك ......جيت نحكيلو ...قلي هذي انتي وجهك الحقيقي ..قتلو ها اسمع ....قلي ولا كلمة والي امرك راني نهدر ....#لسا_ماشفتو_شي.........