اليتامى ومرت باباهم ..قصة فريدة

6

#هنا_نحكي_حكايتي
#فريدة
#الحلقة_6
المهم صرات الفضيحة في هذيك الكلاصة و مبديتش نفرز من القنطة وكي جيت رايحة لدار طحت في وسط الساحة جات الاستاذة تجري ليا و لحقها المدير و التلاميذ كامل خرجو من الكلاصة بقاو مداورين بيا راحت وحد تجري لصاك تاع الاستاذة جابت ريحة درولي شوية وفطنت ...نوضوني وعاودو رجعوني خرجولي كرسي برا وقعدوني بقيت حاطة راسي على الحيط والدمعة هابطة وهوما كامل ساكتين حتى شفت هذاك الاستاذ جاي جيت نايضة باه نروح باسكو كرهتو كرها شديدا ..قاتلي الاستاذة وين وين قتلها لالا خلوني نروح خلوني نروح ...قاتلي ريحي خليها عليا ...كي وصل ذاك الاستاذ دار روحو يسقسي فيا قلي راكي مليحة..مرديتهالوش  ....قاتلو الاستاذة من فضلك اا ستاذ خلي طفلة تريح باين مهيش مليحة .....قاتلو كون جات رحتها همتك مديرش فيها واش درت ....دارو رحو يعلل و يقلها الله غالب وهي و هي .....قاتلو صيبو صيبو بزااف ....والمدير من الحشمة راح ....نوضتني وجات مدخلتني للكلاصة ..حتى قلها الاستاذ المهم ايلا بغات تجي تقرا مرحبا بيها ....ثم الاستاذة فاضت عليه قتلو تجي وبلا مزيتك وشكون انت حتى تقلها مرحبا بيك شكون ؟..بهدلاتو ..من الحشمة حتى هو وراح .....فوتنا هذيك الساعة كي صونات رجعتني لكلاصتي ....حطيت راسي على الطابلة و غفيت ....عييييييت بزاااااف بزاااف و حسيت روحي ضعيفة ......بداو الاساتذة و التلاميذ كامل مساعفيني باسكو قصتي بدات سيرة على كل لسان و خلاص مكان عندي علاه نحشم ولا علاه نخبي .....كان عندنا صبور العشية رحنا لستاد تاع السيام وحكمت كوان وقعدت لانو بكل بساطة معنديش بدلة باه ندير بيها ...جا ليا الشيخ تاع صبور مسكين عطاتي توني وصباط تاع صبور بعدما سمع بقصتي  ....بالرغم انو كنت حالفة باه منشدش الصداقة بصح شديتها لانو نضريت و معادش يهمني ....ليصونصيال رجعت لدار على 15 و حالتي لا حالة كي وصلت صبت كريم خويا  ثم ويما مهيش ثم سقسيتو قتلو يما وين راهي قلي راهي عند دها بابا لطبيب ... ثم عرفت بلي الاستاذة هي لي قاتلو ديها لطبيب و هذيك الورقة لي عطتهالو عندها علاقة بالطبيب باين ...قتلو وينت راحو قلي من صباح بويي راح جابني من ليكول قعدت فالدار و هو  دها لطبيب ....وليت على الاعصاب و بقيت عند الباب  نستنى غير واش يقولها الطبيب كي جات من لباب بقيت نسقسي فيها واش قلك الطبيب اما ..قاتلي والو ...قلي غير تعب برك ....بصح انا مرتحتش عسيتها مليح مليح كي ولات مشغولة رحت لوحد صاك تاعها قلبتو صبت ورق كيما تحاليل درتهم في كرطابي و الصباح ديتهم للكلينيك قلت والله غير نقول لطبيبة تقولي واش فيهم باسكو مفهمتش فيهم ....كي رحت وعطيتهملها قاتلي تاعمن هذو و بقات تخزر فيا...قتلها تاع جارتنا راهي مريضة و بعثتني باه تقريهملها ......قاتلي .....#تصبحو_بخير ........