اليتامى ومرت باباهم ..قصة فريدة

5

#هنا_نحكي_حكايتي
#فريدة
#الحلقة_5
قلتلكم صابني الاستاذ نضرب في هذيك طفلة حاوزني  وقلي جيبي باباك بلا ميعرف شكون ظالمة ...خرجت من هذيك الكلاصة وخليتو يسكت في هذيك الحايلة دارت روحها تتمقنن و تبكي ديجا تعرفو بنات المرفيهين كي دايرين المهم خرجت ورايحة ديراكت للاستاذة لي تقريني كي جيت رايحة تلاقيت بالمدير قلي وين بيها ...حكيتلو كلش قلي قلك  جيبي بويك يسموك تجيبي بويك ..بغيت نحكيلو قصتي حتى هو محبش يسمع حاوزني رحت خرجت وقعدت عند باب تاع السيام كيما طلابة نستنى فالاستاذة تخرج باه نحكيلها حتى ل 4 كي خرجت روحت ليها مشيت معاها لوين تركب حتى لاري وبديت نحكيلها قاتلي شا عندكم غدوا قتلها فيزيك قاتلي روحي وصباح عاودي فكريني نروحو للاستاذ نحكو معاه ...قاتلي ما تقولي لبويك ما والو ...فرحت وجيت وعاودت رجعت صبت نقل تاع البلدية فاتني ...اااه ياربي كي ندير ضروك والله  الف ما عندي باه نخلص طرنسبور ...رحت لاري نستنى جا النقل قلت نهدر مع مولاه بلاك يخليني نركب ...كي قتلو قلي مصبح منيش عارف وين كنتي وضرك جاي تتمسكني  ( قصدو في حاجة وحدوخرة راكم فاهمين ) ..غاضتني ناس لي تحكم من المظهر ...معليناش موالفة بربي يخلف وسواد السعد قلت نروح نمشي وخلاص ورحت نمشي تقريب 4كيلو .....وصلت مع المغرب وصلت ميتة بالعيا ....كي لحقت قلي بابا علاه هذا وين حكيتلو ثان كلش باه كي يجو يحكولو ناس خلاف يكون علبالو ....ليصونصيال حكمني وحدي قلي اسمعي متزيديش دخلي روحك في يماك و امورات الدار لتهاي بقرياتك ياخي مناش مخليين عليك ...سكت ومن بعد رحت نعاون في يما صبتها تفور في هذاك طعام ....فاتت هذيك ليلة وصباح نضت بكري ديت صرف من عند بابا مسكين وروحت فالطرنسبور باه نستنا الاستاذة وندخل معاها ...المهم من سواد السعد تلاقيت بالاستاذ لي حاوزني قلت والله غير نعاود نهدر معاه ....كي تقولو قاع معبرنيش و مدهاش فيا تالمو انا نقرا عندو و مجتهدة ...معليناش ستنيت حتى جات الاستاذة دخلت معاها و رحنا عندو ديراكت كي جات تحكيلو مخلاهاش قاع تهدر مومبا معبرهاش ...قاتلو استاذ اوموا احترم رابط الزمالة لي بيناتنا ..قلها انا قلت كلمتي و منتراجعش ...ودخل وخلاها ....حسيت بها حشمت الاستاذة قاتلي فوتي دخلي معايا للكلاصة و ساعة زاوجة روحي قراي .....ومن بعد انا نهدر مع المدير ...رحت معاها لكلاصة وحدوخرة قعدت فالطابلة التالية وانا ميتة بالحشمة جات هذيك لي تماركي الغياب صابتني ثم داتها حامية للمدير ...جا للكلاصة بهدلني وبهدل الاستاذة وقلها معندك حتى حق تحمي طفلة بهذ السن وهي عندها والديها ...سكتت وحد شوية و تبدا..... معندي حتى حق اه ؟ انتوما تعرفو الحق ؟ يا هل ترى شفتو كي عايشة طفلة في دارهم ؟ يا هل ترى تعرفو باباه واش يخدم مسكين حتى تعيطولو وتعطلوه على نهارو اه؟ وين راه حقها هي ..يا هل ترى عطيتوها الحق باه تهدر وتقلكم علاه دارت لي دارتو ؟....جات ليا لطابلة تالية وين قعدتني وجبدتني وداتني للمنصة  قاتلي فريدة قوليلو قوليلو شا يخدم بويك ...وانا نطيح فيهم دموع ...قاتلو شفت مقدرتش تهدر باسكو بابها كوردوني لي خلكم و خلا الطفلة لي تحاوزت على جالها تحتقرها وتضحك عليها ....كاش نهار سقسيتو على تلاميذ كيفاش عايشين ....قاتلي طلعي رجلك يشوف صباطك كي داير من تحت طلعي ...قتلها خلاص استاذة والشهقة مبغاتش تفارقني ...قاتلي ني قلك طلعي ...طلعتلي رجلي تقدرو تقولو كنت لابسة غير الجلفة الفوقانية تاع الصباط ومن تحت مكاش ....قاتلو شوووف خلاص معادتش يصلح حتى لترقاع ....قاتلو مزال في هدرتك باه تجيب بابها...قاتلو شوية رحمة يا ناس شوية رحمة .....قاتلو ويلا ولات على الخدمة وصرامة عاملو كامل الناس كيف كيف ...خرجتني برا داتني لصانيتار وبدات تغسلي في وجهي  بديت نبكي البكا تاع ذراري صغار ....قاتلي روحي فريدة لداركم متقرايش روحي و موتي اوموا تروحي من هذ العالم المليء بالنفاق بلاصتك مهيش هنا بيناتهم  كون جاو يحبو لي يقرى كون نتائجك تاوعك شفعولك ....رحت بخطوات متثاقلة والتلاميذ يطلو من تيق والبيبان باسكو ذيك الاستاذة خرجت بوجه اخر و بدات تسمع من قوة الحقرة... زدت زوج خطوات وطحت ..............#يتبع ........لس ما شفتو شي .....