اليتامى ومرت باباهم ..قصة فريدة

31

#صفحة_هنا_نحكي_حكايتي
#فريدة
#الحلقة_31
قتلكم رحت ديت مناقشي وخليت مرت بابا في حالة و مامنتش باه نخرجلها ذي الخرجة وعارفة بلي دلي بروبلام وكنت اخذة احتيطاتي ....المهم عاودت خزنت هذوك المناقش في بلاصة قاع متتوقعاش ...و بديت ندير صوالحي لي يهموني في صاكي وودايمن على عيني ...المهم خويا جا رايح مسكين وقلنا بلي هذ الخطرة منجيش حتى نكمل سطاج صنعتلو القاطو و سلفتلو شوية دراهم من عند وحدة صحبتي باه يروح ....المهم راح ورجعنا حنا نقراو لبنات فليسي وانا كي لعادة مع الجامعة ....وحد الخطرة درت جواز فوق النار خليتو يطيب ورحت نتفرج في وحد المسلسل متبعاتو انا وخوتاتي كي جينا نحطو و نتعشاو مقدرناش ناكلوه صبناه مر بالملح ...خوتاتي من كثرة لي نية حسبوني انا قويتلو الملح بصح غير انا لي علبالي بلي دليلة هي لي دارت الملح باسكو ملي ديتلها المناقش ولات كيما الذري الصغير ...المهم قسنا هذاك الجواز و فوتنها بالخبز ذيك ليلة  ما رحت ليها ما حرت فيها ...بصح غدوا من ذاك خلفتهالها مخليتهاش تبرد و عاودتلها نفس الضربة باه تعرف بلي فقتلها بصح مكاش كيفاه ندلها من غير نعودلها الضربة بصح هي ثان مجاتش ليا ....غدوا من ذاك راحو لبنات يقراو وانا مرحتش قعدت انا ندير فالفطور على جيهة وهي على جيهة ....ايا ساكتة ساكتة ..حتى قاتلي تحسبيني البارح مفقتلش ....قتلها الفيقة لي فقتيها نفسها لي فقتها لو لبارح ......قاتلي يسما صح درتيها....شفت فيها و قتلها عند الشك ....قاتلي كيفاش راكي غالبتني ...قتلها نقلك حاجة ...بعد مت خسرت يما ربي يرحمها ماعندي ما نزيد نخسر بصح نقلك حاجة والله غير راني قاعدتلك و تضربني ضربة نضربك بختها ولا كثر منها ....وانتي دبري راسك ...قاتلي صحيتي يا لا فريدة ...مزالو ليام ...قتلها دبري راسك ....وحد الخطرة صبحت الشمس نضت صباح خرجت كامل الفراش باه يسخن و رحت نقرا كي وصلت للجامعة تبدل الجو و بدات طيح نو خيط من السما ....وقلبي مع هذاك الفراش ...قلت كي نرجع  نشوف دليلة ايلا دخلاتو ولالا ..ايلا دخلاتو قلبها بيض ويلا خلاتو هاكك لازم نوجد روحي للاسوء....كي رجعت العشية صبت لبنات مزال مجاوش....انا مين دخلت صبت هذاك الفراش يقطر و الزور طايحين في لرض مقدرتش نرفدهم من قوة لي ثقال بالما .....عرفت بلي المرا كحلت قلبها علينا.....كي جا بابا صبني نعصر فيهم ...قلت والله غير نخبرو ...باسكو رجعت وخممت فيها مليح احنا هذ المرا علاه جبناها اه ؟ ...احنا خصنا وحدة دخلية علينا تدينا بابانا ...المهم كي دخل قتلو اك تشوف اك تشوف ....قتلو والله ماكان باه نتغطاو ...راح ليها وضربها قلها مكيش مرا ومكيش تاع دار وبهدلها ........المهم بديت جيبتها من مورها متامنوش عقولكم ولديت اي فرصة نستغلها .....على جال خاوتي ناكلها .......كي خرج بابا جات ليا و عينيها حمر قاتلي نسودلك عيشتك ويلا جابت يما الخلا ....هنا بدات الحرب تاع الصح ........#تصبحون_على_الف_خير .......