#هنا_نحكي_حكايتي
#فريدة
#الحلقة_15
جات استاذتي مع راجلها يطلو علينا وكي لعادة مجاوش فارغين دايمن بقضيانها ....المهم دخلو قعدو مجمعين معايا حتى جبدتلي ساشي فيها حزمة تاع دراهم كوارط...قتلها تاوعش هذو ..قاتلي تاع العملية لي كنا رايحين نديروها ليماك الله يرحمها ..قتلها بصح خلاص يما راحت ..قاتلي بغيت نرجعهم لصحابهم بصح مبغاوش يشدوهم عليا قلولي صيبو نوينها صداقة .....سكت مصبتش شا نردلها ....قاتلي شوفي ايلا راكي محتاجتهم شدي ويلا مكيش محتاجهم خليهم عندي ندسهملك ....قتلها لالا خليهم عندك معندي ما ندير بيهم ...قاتلي المهم المدير مع ااساتذة حسبولك غير الفصل لول وثاني و راكي طلعة لسنة ثالثة ....قتلها لالا استاذة متعييش روحك صيبو ما بقات قراية ..حلت عينيها فيا وقاتلي والله ما تزيدي تشوفي وجهي .....قتلها ا ستاذة و خوتاتي كيفاش ..قاتلي شا دخلك قاتلي رانا فالصيف مكاش قراية اقعدي معاهم و ونسيهم و كي تقرب دخلة نشفولك الحل ....قاتلي المهم نخليك قعدي على خير و كاش ما كاين رواحي عندي للبلاصة الفلانية و سقسي عليا ...ومن بعد راحت ....جات يمات و راحو يمات خطرة نبكي و خطرت نسكت و دخلت فالطريق تاع المسؤولية بديت نغسل و نطيب ونسيق خطرة نحرقها و خطرة نسقمها ....كنت داسة 7ملاين من الموت تاع يما الله يرحمها ..مكنتش نجبد قاع منها ..مين ذاك كي نطيحو فالمونك وبابا ميكونش عندو نجبد نقضي منهم ...بديت نخبز و نصدق على يما في الوقت لي كنت محتاجة انا صداقة ...معليناش قتلكم بديت نتعلم غير بشوية و مع الجيران ثان يجو يطلو عليا و يورولي وقاع راكم عارفين .........قربت الدخلة تاع ليكول كرانا بابا طومبيل وقلنا نروحو نكسيكم و نشرو القش تاع ليكول ..رحنا ديت مليون معيا عطيتو لبابا قتلو هاك وشريلهم انا عندي منشريش ...رحنا لافيل كسينا خاوتي وصبطانهم ...وفطرنا وبدات وحد الروح هاكا شوية دافيا بيناتتا باسكو بابا حنين كثر من يما كنا متونسين مع بعضنا ...الحمد لله ...انا سمنيتن لولا قاع ما رحتش لليكول قلت حتى يبداو يقراو ونروح ...اليوم لي قررت نروح فيه قعدت مجمعة مع بابا باه نتفاهمو قتلو بابا شوف انا وكريم خويا جردونا فالمطعم يعني منجوش نفطرو تبقى في نجلى و كلتوم نوض صباح بكري نطيب وانت على 12 كي تحسهم رايحين يخرجو روح ديهم من ليكول سخنلهم فطرهم رجعهم ليكول وانت رجع لخدمتك ....قلي خلاص متفاهمين ...كنت نوض بكري من يمات يما الله يرحما نصلي و نطيب القهوة بيانسور مع بابا يعوني و نطيب فطور ونوض خاوتي ونخرجو كامل في رحبا ....بديت راضية بحياتي الحمد لله و بداو خاوتاتي ينساو شوية باسكو القراية لهاتهم .....وانا كنت نروح نقرا عادي وبدات الاوضاع تتسقم .........بصح قاع ذاك الشي و يما مزالت فالقلب وبديت مكورجة غير في جال وصية يما .........#يتبع .....لسا ما بدينا.....مع صفحة #هنا_نحكي_حكايتي ....راك رايح تحس بلي انت بنادم وعندك قلب وكامل لي بكاو مع القصة عرفو بلي ضميركم مزال حي وهنيئا لكم على قلوبكم الجملية
YOU ARE READING
اليتامى ومرت باباهم ..قصة فريدة
Short Storyعندما تتعرض البراءة الى اغتصاب حقوقها ...وعندما تغيب الرحمة من افئدة البشر ...وعندما يكشف عرينك لصاحب و الغريب ستكون النتيجة #فريدة ......فريدة قصة فتاة جار بها زمن لتجد نفسها في غيابات المجتمع الظالم و المظلم .فريدة قصة فريدة من نوعها ..لم تأبى الا...
