#صفحة_هنا_نحكي_حكايتي
#فريدة
#الحلقة_26
قتلكم ملي بديت نطيب وحدي هنيت شوية مبداوش قاع المشاكل بصح مي نتفكر كريم خويا بلي منوش يقرا نضرب راسي على الحيط .....كيفاه ندير ....عاودت رجعت لسيام وخبرت المدير قتلو كون دير استدعاء لبابا و تقلو بلي كريم وليدك مهوش يجي ....قلي علاه متخبريهش انتي قتلو ميجيش بصح كون تبعثولو انتوما يجي ..وكي بجي فهموه بلاك يفهم .....و الحمد لله كي جيت خارجة من سيام صبت كريم خويا برا ..فرحت فرحت حسبت يما ربي يرحمها طلت عليا ...سقسيتو قلي ني في بومرداس خدام فالبحاير ....غاضني قسملي قلبي مسكين ....قتلو والقراية ...قلي مبقات قراية ...ضليت نحلل فيه و بالدموع ومكان والو ..قلي ني نستنا نقفل 18 سنة ونروح نقاجي ....عاودت رجعت لسيام خرجت نجلى و كلتوم باه يلقاهم .....عطانا الدراهم وقلنا كسو رواحكم ..وقلي متزيديش قاع تتقلقي وحطي راسك فالقراية .....راح مسكين و قلبو عندنا ....بدا خدام زوفري ....رجعت لدار ...وغدوا من ذاك رحت كديت لبنات كسيتهم وانا دراهمي دسيتهم ....كي رجعنا لدار شافهم بابا ...بلا ميفهم القصة ..قلي رجعتي لعوايدك و رجعتي تطلبي ....خلعني بهذ الهدرة ...قتلو تاعش طلبة لي راك تهدر عليها....حل عينيه فيا وبدا ينهض عليا قلي مين جبتي دراهم ......سكت .....قتلو كنت داستهم ...قلي اهدري والله نحيهم ونقطعهم .....قاتلو كلتوم تاع كريم عطلنا الدراهم .....قلنا ايييييه والله لا مليحة .....مين راه يجيب دراهم ...اهدري يا ستوت ..اهدري ....قتلو اك باغي تعرف ...كريم مسكين مولا 16 سنة راه يزوفري ...كريم مصابش وين ويروح راه خدام فالبحاير ....روووح شوف يديه مسكين كيفاش يبسو من اابرد .....رووح شوف وقاع هذاك شي منساناش ........عاود ضربني بكف وهذي ثاني مرة .........شفت فيه قتلو منيش مخلوعة كي ضربتني و منننخلعش ...خلاص مكش بويي لي كنت نعرفو ...بويي مات مع يما الله يرحمها ..........#يتبع
YOU ARE READING
اليتامى ومرت باباهم ..قصة فريدة
Short Storyعندما تتعرض البراءة الى اغتصاب حقوقها ...وعندما تغيب الرحمة من افئدة البشر ...وعندما يكشف عرينك لصاحب و الغريب ستكون النتيجة #فريدة ......فريدة قصة فتاة جار بها زمن لتجد نفسها في غيابات المجتمع الظالم و المظلم .فريدة قصة فريدة من نوعها ..لم تأبى الا...
