[ သည်းသောမိုးကြားပို့သောစာ]
မိုးရိပ်ပြေးနေသော ကောင်းကင်ယံကြောင့် ခြံရှေ့မှ အဝတ်များကို ပြာပြာသလဲပြေးရုတ်သိမ်းကြသော အလုပ်သမားများနှင့် ပြတင်းပေါက်ဆီတွင် စာရင်းစစ်နေသော အနွယ်တော့်ဆီသို့အပြေးလေးရောက်လာသော ခြံစောင့် ။
ဆေးရုံမှပြန်ရောက်ရောက်ချင်း မနားရပါဘဲ စာရင်းတွေထိုင်စစ်နေခဲ့သည်မှာ ညနေ သုံးနာရီအထိမို့ လူလည်း အနည်းငယ်ညောင်းချိနေသည် ။
ထီးအနက်ရောင်တစ်ချောင်းကိုကိုင်ကာ အပြေးလေးရောက်လာသော ခြံစောင့်ကောင်လေးကို အနွယ်တော် ခပ်တည်တည်သာစိုက်ကြည့်နေလိုက်သည် ။
အမောရောက်လာသောကောင်းလေးက ခါးကိုကုန်း ဒူးကိုလက်ထောက်ရင်း ခေါင်းငုံ့ကာ အမောပြေ လေကိုတစ်ဝရှူနေလိုက်သည် ။
" ဘာဖြစ်လာတာလဲ ဥသြ "
အနွယ်တော်၏အမေးကြောင့် ကောင်လေးက ခေါင်းပြန်မော့လာပြီး တရိုတသေလက်နှစ်ဖက်ကိုအုပ်ကိုင်လို့ ယဥ်ယဥ်ကျေးကျေးပြန်ဖြေသည် ။
" ဆရာအားရင် ဓိပထိလေးကို ကျောင်းသွားကြိုပေးစေချင်ပါတယ် မိုးကလည်းရွာတော့မယ်ထင်တယ် အားရင်ကြိုပေးပါဆရာ "
ဓိပထိလေးသည် လေးနှစ်ပြည့်ပြီမို့ မူကြိုကျောင်းထားခြင်းဖြစ်ပြီး ဥသြကသာ နေ့စဥ်တိုင်း လိုက်ပို့လိုက်ကြိုလုပ်ပေးရခြင်းဖြစ်သည် ။
အနွယ်တော်လည်း ကြိုချင်သော်ငြား သူကိုယ်တိုင်ပင် မလှုပ်ချင်လောက်အောင်ပင်ပန်းနေသည်မို့ ဥသြကိုသာထပ်မေးလိုက်သည် ။
" မင်းကရော မအားဘူးလား "
ထိုအခါ ကောင်ကလေးက အသာခေါင်းရမ်းပြလာသည် ။
" ကျွန်တော်က စျေးသွားတဲ့ ဓိပထိအမေကို သွားကြိုရအုန်းမယ်ဆရာ စျေးအထွက်မှာ ကားပျက်နေလို့တဲ့ "
မတတ်သာတော့သည့် အခြေအနေရယ်မို့ အနွယ်တော် ဥသြ၏လက်ထဲမှ ထီးကိုဆွဲယူကာသားတော်မောင်ရှိသော ကျောင်းသို့သာ ခပ်သုတ်သုတ်ထွက်လာခဲ့သည် ။
ပြင်ညီသော လမ်းမထက် ခပ်ကြွကြွလှမ်းသော ခြေလှမ်းများမှာ တက်ကြွမနေသော်ငြား မှုန်မှိုင်းလည်းမနေချေ ။
YOU ARE READING
မောင့်သဒ္ဒါ(complete)
Romanceတစ်စုံတစ်ယောက်ကို ရင်မှာ အမည်တပ်ပြီး ချစ်ပါကြောင်း ဝန်ခံခြင်းဟာ ချစ်ခြင်းများလား ။ တစ်စုံတစ်ယောက်ရဲ့ပါးကို တမွမွနမ်းရှိုက်ပြီး သိမ်းပိုက်လိုက်ခြင်းက ချစ်ခြင်းများလား ။ တယုတယ ကြင်နာပြကြတာဟာ ချစ်ခြင်းများလား ။ သဒ္ဒါ့အတွက်တော့ ချစ်ခြင်းဟာ အတွေးအခေါ်တွေ...
